Yekîneyên Ewlekariya Giştî ya girêdayî Hêzên Ewlekariya Hundirîn a bajarê Reqayê bi hevkariya şêniyên herêmê 6 tupên gaza klorê ku çeteyên DAIŞ`ê li pey xwe hiştine, dîtin.
Çeteyên DAIŞ`ê piştî ku ji aliyê şervanên QSD`ê ve li bajarê Reqayê têk çûn, gelek çek û cebilxane di bajêr de veşartin.
Şêniyan di wê demê de dît ku çeteyên DAIŞ`ê çawa tiştên nediyar li herêmê vedişêrin. Piştî ku herêm hate rizgarkirin û şênî li warê xwe vegeriyan agahî dan aliyên peywendîdar. Yekineyên Ewlehiya Hundrîn ên girêdayî Hêzên Ewlekariya Hundrîn li herêmê dest bi lêkolînê kir. Di lêkolînê de 6 tupên gaza klorê hatin dîtin.
Yek ji rêveberên Buroya Rêxistinî ya hêzên Ewlekariya Giştî Şoreş Mehmûd diyar kir ku wan gelek tupên bi vî awayî li bajarê Reqayê dîtin, lêkolîn li ser wan hate kirin û hate diyarkirin ku ew madeya klorê ye û li Çînê hatiye çêkirin…ANHA
Hêzên Ewlekariyê 6 tupên gaza klorê dîtin
