Navenda Nûçeyan
Hejmara qurbaniyên erdheja wêranker a ku li Venezuelayê di 24’ê Hizêranê de rûda, gihaştiye 2 hezar û 954 kesan. Li herêmên erdhejê hîna xebatên lêgerîn û rizgarkirinê jib o kesên di bin kavilan de mane berdewam dikin.
Di 24’ê Hezêranê de li Venezuelayê du erdhejên wêranker li pey hev çêbûn, navenda erdhejê jî li wîlayeta Yarakoyê bû herihwa pileya wan gihaşt 7,5 û 7,2 di encamê de erdhejên mezin çêbû û hemû nişgtecihê herêmê hîs kirin.
Di heman demê de Wezareta Raghandin û Agahdariyê eşkere kir ku hejmara birîbndaran gihaştiye 16 hezar û 592 kesan, lê 16 hezar û 309 kesan malên hatin hilwişandin ji ber erdhejên li pey hev. Ev erdhej yek ji karesatên xwezayî yên herî kujer ên ku welat di dehsalên dawî de dîtiye, pêk hat.
Erdhej bû sedem ku bi hezaran malbat bê mal bimînin
Wezaretê zelal kir ku 190 avahî bi temamî hatine hilwişandin herwiha 856 avah bi giranî xisar dîtine, ev yek bû sedem ku bi hezaran malbat bê mal bimînin herwiha zêdebûna pêwistiyên mirovî li herêmên bandordar.
Rayedaran destnîşan kir ku tîmên lêgerînê û rizgarkirnê karîbû 6 hezar û 462 kesan ji bin kavilan rizgar bikr, herwiha 22 hezar û 445 kesan lênerîna bijîşkî li nexweşxane û navendên tenduristiyê, dîtine.
Wezartê zêde kir ku alîkariya mirovî gihaşt 86 hezar û 794 malbatan, di nava alîkariyan de 9 hezar û 486 ton ji madeyên xwarinê hebû, ligel dabînkirina pêwistiyên sereke ji bo kesên ku bandor bûne, di çarçoveya berdewamiya operasyonên rakirina kavilan û nirxandina xisaretê.
Rayedarên Venezuelayê hewldanên xwe ji bo dîtina windayan û vegerandina xizmetguzariyên bingehîn ji bo deverên ku bandor bûne didomînin, di nava metirsiya berdewamiya bandorên mirovî û aborî ji ber mezinahiya wêraniya ku ji ber karesatê çêbûye.
Operasyon berdewam in
Li gorî ajansa AFP, tîmên rizgarkirinê heya niha operasyonên wan berdewam dikin, herwiha hîn jî cenazeyan ji bin kavilan derdixin. Xizmên kesên ku di bin kavilan de asê mane, di operasyonên rizgarkirinê de alavên giran, weke alavên kolandinê û buldozer bikar anîn.
Susana Graterol, ku 10 cîranên wê hîn jî winda ne, got, “Divê em malbat vê rûpelê ji holê rakin, ew ê karibin wan bi karanîna alavên giran bibînin. Ev vebijarka herî baş e, ji ber ku rojên borî ji bo me pir dijwar û westiyayî bûn.
Li kolanên La Guaira, hejmara tîmên rizgarkirinê yên biyanî ku beşdarî operasyonên lêgerînê dibin hêdî hêdî kêm dibe. Tîmên rizgarkirinê yên ji Dewletên Yekbûyî, Tşîlî û welatên din dest bi amadekariyên derketinê kirine. Li gorî endamên tîman ku bi AFP re peywendî kirine, di nav wan de tîmên ji Daîreya Agirkujiyê ya Wîlayeta Los Angeles, herwiha tîmên ji Florida û Virginia hene. Piştî 72 demjimêran piştî karesatên bi vî rengî, şansê dîtina kesên ku sax mane kêm dibe.
Li gorî Saziya Lêkolînên Jeolojîk a DYA’yê, ev erdheja bi pileya 7,5’an ji sala 1900’an û vir ve ya herî bihêz a li Venezuelayê ye.
