Rêxistin û meclisên kantona Qamişlo, têkildarî kiryarên dewleta Tirk a dagirker û çeteyên wê yên li dijî gelê Efrînê de civînek li dar xist. Di civînê de biryara birêxistinkirina çalakiyan li dijî êrîşan hate dayîn.
Çete û leşkerên artêşa Tirk a dagirker kiryarên xwe yên li dijî welatiyên Efrînê didomîne. Sazî û rêxistinên mafên mirovan li hember van kiryaran bê helwest in.
Bi armanca şermezarkirina dewleta Tirk û çeteyên wê, rêxistinên sivîl, hiqûqî, civakî, ciwan û meclisên kantona Qamişlo civînek li dar xistin.
Kesên di civînê de amade bûn kiryarên dagirkeriya Tirkiyê û çeteyên wê yên li Efrînê şermezar kirin û desnîşan kirin ku ew ê li dijî van siyasetên qirkirinê têkoşînê bikin.
Kesên beşdarî civînê bûn girîngiya birêxistinkirina çalakiyan li hemberî dewleta Tirk destnîşan kirin û di vê çarçoveyê de biryara birêxistinkirina meşeke navendî di roja 20‘ê Îlonê de hate dayîn.
Li dijî dagirkeriyê meşeke navendî tê lidarxistin
