Bi sedan şêniyên Reqayê yekem şehîda YPJ‘ê ya li herêmê “Hêlîn Cûdî” oxir kirin.
Hêlîn Cûdî navê rast Nadra Elûsî yekemîn şervana YPJ‘ê ye ku ji Reqayê şehîd dibe. Bi sedan şêniyên Reqayê ji bo oxirkirina cenazeyê şehîd Hêlîn li ber çerxeriya Firûsya ya rojavayê Reqayê kom bûn, cenaze bi kerwanekî ber bi goristana Şehîdan a li gundê Hikûmiyê ve çûn.
Li goristanê ji aliyê şervanên YPG û YPJ’ê de merasîmeke leşkerî hat lidarxistin.
Di merasîmê de bi navê Meclisa Sivîl a Reqayê Endama Meclisa Zagonsaz Mustefa Hedad, bi navê Meclisa Malbatên Şehîdan Şemsa Salih û bi navê Fermandariya YPJ‘ê Şînda Ehmed aivîn. Di axaftinan de rola şehîdan a di parastina welat de hate destnîşankirin.
Dayika Şehîd Hêlîn Cûdî jî axivî û diyar kir û ew bi şehadeta keça xwe serbilinde, keça wê ji bo azadiya welat şehîd bû.
Piştre nasnameya şehîd hate xwendin û radestî malbata wê hate kirin.
Şervanên YPJ‘ê cenazeyê hevala xwe hilgirtin û di nava dirûşmeyan spartin axê.
Reqayê yekemîn şehîda YPJ‘ê oxir kir
