Rotînda YETKÎNER
Derfet û hêz tenê têrê nake ku hunerek têr û tijî bête avakirin. Ger usa ba wê li welatên bakurê Ewrupê hunera bê hepa bihatana afirandin, ji ber ku taybet li van welatan îmkanên bê dawî hene. Lê mixabin li van welata hunera resen zêde nîne.
Dîsa tenê bi xwstek û bi kedê jî hunera bê hepa naye afrandin, ji ber ku huner ne têne ji van pêdewiyan tê afrandin. Ger usa ba li welatên wek me din ava Şoreşê de an jî di tekoşeriya ji bindestî xwe xilaskirinê de we hunerek pêhepa bihata afrandin.
Qasê ku ez têgihiştime û pirtukên li ser hunerê nivisandî de tê ziman, huner; dive ji mejûye afirenê û zelal û ji taklîtên erzan dûr, mejûyên tijî fiki û proje û ne bin siya tu hezek an kesek da be tê afrandin.
Huner, di afrandina xwe de aîdê kesayetekê ye û li du afrandinê dibe anonîm an jî tê parvekirin bi civakê re. Di cepha me de, di vê warê de jî nakokiyek heye lê bawer dikim em ji hev tênagihêji lewra jî ev nakokî her berdewam dike. Çiye ev nakokî? Pir tê ziman, “ huner ji bo civake ye an ji bo hunerêye?” ev hevok kokda şaşe. Lê ji ber ku li ser ve nerîne bi kurayî û li gor zagonên hunerê nehatiye rawestandin, ji ber wê jî hê jî rast nehatiye femkirin. Kesayet û takekesî nebe, huner nay afrandin lê ger tenê takekesî derkeve pêş ew dem huner jî nammîne li hole, tênê popîlîzîm tê afrandin.
Huner di kîjan beşêde dibe bila bibe, despêke kesayete, yanî kesekê wê hunerê diafrîne. Ji ber wê jî em nikarin di warê hunerî de kesan wek kesên ku li cepha siyasetê bigrin dest û rexne bikin.
Dîsa huner ne ji bo xwesteka hin kesan an hin aliyan û li gor spariş nay afirandin, ger kesayet afiranêr be, wê li gor têgihiştina xwe ji buyer û îdolojîyan fez bigre û hunerê biafrîne.
Hunermed bi xwe nikare navê xwe bike hunermed an jî hêzek siyasi nikare rola hunerê bide alîgirên xwe, dive ew kesana ji aliyê beşek civakê bête pejrandin û erka hunerê bidin wê-wî.
Mixabin ev pîvanên hunerê hê nahatiye gel me. Ez ev sîh sale di cepa hunerê de li gor hêza xwe disekinim û tevlî bi sedan civînên nav huner! Bûme. Lê her car naverokên civînan, çûyina şev, dewet, konse û neçekirina DC û her waha tiştên ji naveroka hunerê durin. Yanî em hê negihiştine pola 2 yan.
