Wezîrê Parastinê yê Rûsyayê Sergey Şoygû,di hevdîtina li gel Wezîrê Parastiyê yê Tirk Hûlûsî Akar de, têkildarî Îdlibê pêşniyar kirin.
Li gorî ajansa nûçeyan a Înrterfaxê, Şoygû ji bo çaresekirina nakokiyên li bakurê rojavayê Sûriyê ya bi Tirkiyê re pêşniyar pêşkêş kirine.
Wezareta Parastinê ya Rûsyayê, Soygû têkildarî hevdîtina bi Akar û Serokê MÎT’ê Hakan Fîdan re kirî daxuyaniyek da. Di daxuyaniyê de ev tişt hate gotin: “Hevdîtina di navbera Şoygû, Akar û Fîdan a hefteya borî li Moskovayê berfirhe hatibû destpêkirin dewam dike. Aliyê Rûsya, ji bo aliyê Tirkiyê ji bo asayîkirina rewşa li Bakurê rojavayê Sûryê pêşniyar kirine.”
Têkildarî naveroka pêşniyaran ti agahî nehatin parvekirin. Rejîma Tirk, destekê dide komên çete yên li Îdibê. Her wiha li herêmê 12 nuqteyên dewleta Tirk a çavdêriyê hene.
Komên çeteyên din ên ji herêmên din ên Sûriyê hatine derxistin li Îdlibê hatine komkirin. Her wiha nêzî 3 milyon kes li vê hermê dijîn.
TÊKILIYÊN ME KÛR DIBIN
Ji aliyê din ve Serokê Dewleta Rûsyayê Pûtîn got: “Têkiliyên me yên bi Tirkiyê re hem kûr dibin û hem jî bi naverokên nû dewlemend dibe. Hevkariya me di mijarên herêmî û aborî de zêde dibe.”
Serokê Dewleta Rûsyayê Vladîmîr Pûtîn, bi Wezîrê Karê Derve Mevlût Çavuşoglu, Wezîrê Parastina Milî Hulusî Akar û Serokê MÎT’ê Hakan Fîdan re hevdîtin pêk anî. Putîn der barê hevdîtinê de daxuyanî da û got: “Têkiliyên me yên bi Tirkiyê re hem kûr dibin û hem jî bi naverokên nû dewlemend dibe. Hevkariya me di mijarên herêmî û aborî de zêde dibe.”
