Komîteya Çandiniyê ya navçeya Eyn Îsa ji destpêka avabûne xwe de hewl da çandiniyê li herêmê pêş bixe.
Bi armanca şopandina karûbarên çandiniyê û piştgiriya cotkarên navçeya Eyn Îsa û bajarokên girêdayî wê(El-Hîşê, Ebû Xerze û El-Elî Baciliyê), Komîteya Çandiniyê hate ava kirin. Komîte girêdayî Komîteya Aborî ya Meclisa navçeya Eyn Îsa ye.
Ji destpêka avabûna xwe de, komîte rêjeya erdên çandiniyê derxist. Li gorî serjimariyê 46 hezar û 322 donim zevî hatine çandin û bi vî awayeî hatine belav kirin: 31 hezar û 420 donim pembo, 3 herzar û 740 donim garis, 3 hezar û 40 donim sebze û 7 hezar û 762 donim zebeş. Her wiha komîte li gorî vê rêjeyê desteka pêwîst wê pêşkeş bike.
Ji aliyê din ve ji bo avdana zeviyan, Komîteya Çandiniyê sotemenî li gorî hêza her jeneratorekê û bi nirxek guncaw da cotkaran.
Komîteya Çandiniyê ruxset da cotkaran da ku her cotkar li gorî erda ku çandî semad ji Mesrefa Çandiniyê ya Girê Spî bi deyn heta bidawîbûna demsalê bigire.
Ji bo pêşwazîkirina hilberîna demsala zivistanê sê navend (Eyn Îsa, El-Celebiyê û El-Dehlîz )vekir.
Girêdayî vê mijarê Hevseroka Komîteya Çandiniyê Meryem Ersalan got: “Ji bo pêşxistina çandinî û kêmkirina barên cotkaran bi derfetên xwe yên heyî em piştgiriya cotkaran dikin.”
Meryemê got: “Ji bo ku bazirgan keysbaziyê li serê cotkaran nekin, me berhemên demsala zivistanê ji cotkaran re bi buhayên guncaw kirrî.”…ANHA
