Koma çete ya bi navê Lîwa Silêman Şah a girêdayî artêşa tirk a dagirker, gefa kuştinê li welatiyên Efrînê û Babê dixwe. Koma çete gefê li gel dixewe ku ew li dijî bûyera destdirêjiya serçeteyê wan li dijî keçikeke ji Xûtaya Rojhilat dernekevin meşê.
Li ser torên civakî dîmena keçikekê bi navê Esra Yûsif a 19 salî, dibêje ku ew zewîciye û serçeteyê bi navê Ebû Emşe ya girêdayî artêşa tirk a dagirker bi darê zorê û gefxwarinê destdirêjî li ser wê kiriye, hate belavkirin.
Piştî ku ev dîmen hate belavkirin, li Efrînê tevheviyeke mezin çêbû û çeteyan rêyên sereke hemû girtin.
Koma çete ya bi navê Lîwa Sillêman Şah gef li şêniyên Babê û Efrînê xwar û got ku ew li dijî serçetey Ebû Emşe dakevin meşê, ew ê wan bikujin.
Li bajaroka Tilar a girêdayî bejahiya bakur a Helebê, di navbera koma çete ya bi navê Firqet El-Hemzat û Sultan Mûrad a girêdayî Lîwa Silêman Şah şer rû da..
