Koçberên Kampa El-Erîşe ya ku dikeve başûrê bajarê Hesekê ji ber nebûna derfetan di bin şertên dijwar de dijîn. Koçberan bi hatina cejna Qurbanê re hêvî û zehmetiyên ku dikişînin vegotin.
Ehmed Abdullah yê ji Dêrazorê û wiha got: “Ez hêvî dikim ku vegerim mala xwe. Rewşa bajarê Dêrazorê baştir bibe û bajar ji bermahiyên DAIŞ’ê paqij bibe û ez ê ji nû ve xizmên xwe bibînim.”
Beraî Ehmed ew jî ji Dêrazorê ye û wiha got: “Em di kampê de şadiya cejnê nabînin. Em ji malbat, xizm û gundên xwe dûr in. Bi hêvî ne ku cejna bê li mal û di nav dostên xwe de bin.”
Koçberê ji Dêrazorê yê bi navê Mihemed Ebas jî cejn pîroz kir û hêvî kir ku vegere bajarê xwe û aramî li hemû Sûriyê pêk were.”…ANHA
Dixwazin cejneke din li warê xwe pîroz bikin
