Jinên Kantona Şehbayê tecrîda li ser Rêberê Gelê Kurd Abdullah Ocalan şermezar kirin û diyar kirin ku ji bo azadiya Ocalan ew ê her tim di nava çalakiyan de bin.
Jinên Kantona Şehbayê têkildarî tecrîda li ser Rêberê Gelê Kurd Abdullah Ocalan nerînên xwe anînz ziman û tecrîd bi tundî şermezar kirin.
Jina bi navê Nedira Bico tecrîda giran a li ser Rêber Ocalan şermezar kir û got: “Bi hezaran gelê Şehbayê û Efîrnê ji bo azadiya rêber Apo li qadan e. Ji ber ku azadiya Rêber Apo misogeriya azadiya mirovahiyê ye, em ê her tim li ser piyan bin û di nav çalakiyan de bin.”
Nedire diyar kir ku Rêber Ocalan hebûn û nasnameya wan e û ev tişt got: “Rêber Apo bi salan e ku ji bo azadiya jin û pêşxistina projeya Netewa Demokratîk berxwedana xwe berdewam dike. Em wek jin ji bo azadiya Rêberê xwe her tim tekoşîna me wê berdewam bike.”Zêneb Şêxo jî anî ziman ku ji bo azadiya Rêber Ocalan ew amade ne ku bedelên giran bidin, ji ber ku çiqas kar bikin û tekoşînê bikin ne bi qasî tekoşîna Rêber Apo ya ji bo azadiya jinê ye. Rêber Apo pêşengê Gelê Kurd e. Rizgarkirina Rêber Apo wê rigarkirina Efrînê bi xwe re bîne.”
Jina bi navê Fatma Hesen jî tecrîda li ser Ocalan şermezar kir û wiha got: “Tu car em dev ji tekoşîna xwe bernedin, çalakiyên me wê berdewam bin. Bi çalakî û têkoşîna jinê wê Rêber Apo azad bibe.”
Endama koordnasiyona Kongreya Star Emîne Dîngilî jî diyar kir ku soza wan ew e ku Rêberê xwe ji zîndana Îmralê rizgar bikin û wiha got: “Ez ji tevahî gelan re û dewletên navnetewî re dibêjim tu carî gelê kurd wê di malan de runenê û heta dawî em ê şopdarê fikir û felsefeya Rêber Apo bin. Em ê ji tevahî cîhanê re û dewletên navneteweyî re îsbat bikin ku fikir û felsefeya Rêber Apo di dil û mêjiyê me de hatiye çandin.”…JINNEWS
Ji bo Rêber Apo em ê timî têkoşînê bikin
