Ronaz Silêman/Qamişlo
Weqfa Jina Azad a Sûriyê derbarê êriş û tundiya dagirkeriya Tirk ku li ser jin û zarokan dide meşandin, li pêş avahiya xwe ya li taxa Hilêliyê ya bajarê Qamişlo daxuyaniyeke nivîskî da.
Îro ji aliyê Weqfa Jina Azad a Sûriyê daxuyaniyeke nivîskî di derbarê êriş û tundiya dargirkeriya Tirk a ku li ser jin û zarokan dide meşandin, li pêş avahiya xwe ya li taxa Hilêliyê ya bajarê Qamişlo hat dayîn. Daxuyanî bi zimanê erebî ji aliyê Rêveber Weqfa Jina Azad a Sûriyê Mîdiya Elî ve hate xwendin.
Daxuyanî wiha hat destpêkirin: “Dargirkeriya Tirk yek ji mezintirîn cûriya tundiya li ser jinê ye. Di nava şer û kirîzan de yên herî zêde zirar dighêje wan jin û zarokin. Dagirkerî tundiya herî mezin ya li ser jin û zarokan e. Tundî ne tenê destirêjiya li ser bedenê jinê ye, lê belê gelek cûreyên tundiyê hene. Di dema dawiyê de êrişên dewleta Tirk a faşîst, li ser herêma Bakur û Rojhilatê Sûriyê zêde bûn, bi taybet binesaziya herêmê kir hedef. Armac ji hedefgirina binesaziyê ew e ku aboriya herêmên têk bibe, da ku gel bêzar bimîne û neçarî koçberiyê bibin. Ev êrişên sûcên şerin. Herwiha her kes dizane armanc ji van êrişan ew e ku tirsa dewleta Tirk a dagirker ji şoreşa azadiyê ya ku bi pêşengtiya jinê hatiye lidarxistin û dengê wê gihaye her derê, lewra dixwaze bi êrişên xwe îradeya jina azad bişkîne.”
Daxuyanî wiha bidawî bû: “Em wek Weqfa Jina Azad li Sûriyê, van kiryar û êirşên dewleta Tirk ên li ser herêma me û armancgirtina wê ji jinan re, di şexsê xuşkên Mîrebal de şermezar dikin. Em bang li hemû jinan dikin ku bi yek destî berxwedaniyê bikin, da ku li dijî hişmendiya baviksalarî bisekinin. Herwiha banga me ji hemû rêxistinên mafê parastina mirovan, bi taybet rêxistinên parastina mafê jin û zarokan ku rê li pêşiya van kiriyarên dijmirovî û diexlaqî bigirin, herwiha çareserî ji kirîza Sûriyê re bê dayîn.”
