Zana Roj/ Şehba
Însiyatîfa Parêzerên Sûriyeyî ji bo parastina Rêber Abdullah Ocalan li Kantona Efrîn û Şehbayê li dijî cezayên disiplînê yên ku li ser Rêber Apo hatiye ferzkirin, daxuyaniyek da.
Li dijî cezayên disiplînê yên ku li ser Rêber Abdullah Ocalan hatiye ferzkirin, Însiyatîfa Parêzerên Sûriyeyî ji bo parastina Rêber Abdullah Ocalan li Kantona Efrîn û Şehbayê, bi beşdarbûna bi dehan ji endamên sazî, meclis, tevger û rêxistinên jin daxuyaniyek da.
Daxuyanî li pêşiya navenda Yekîtiya Parêzeran bi her du zimanên Kurdî û Erebî hate dayîn.
Daxuyanî wiha hate destpêkirin: “Dewleta Tirk hîna jî polîtîkaya qirkirin û sîstema îşkence û qirkirinê ya li dijî Rêberê Navneteweyî Abdullah Ocalan didomîne, bi gelek caran, bê navber ferzkirina cezayê bi navê cezayên dîsîplînê dimeşîne, herî dawî jî ji bo 6 mehan li dijî Rêber Apo di girtîgeha Îmraliyê de hemû peyaman û zagonên navneteweyî yên têkîldarî mafên mirovan binpê kirin. Armanca dewletê Tirkiyê ew e ku Rêberê navneteweyî ji mafê hêviyê bêpar bihêle û zextê li Rêbertî dike û wî neçar dike ku tawîzan bide dewleta Tirk. Sepandina cezayên dispîlînê li ser rêbertî û girtina wê ya Siyaseta tecrîdkirina şaredarên hilbijartî li Bakurê Kurdistanê, cidiyeta dewleta Tirk di banga xwe de ji bo destpêkirina komîsyonên aştiyê piştrast dike, ji ber ku komîsyonên aştiyê şert û pîvanên xwe hene, di nav de bidawîkirina sîstema êşkence û qirkirinê ya li dijî Rêbertî û azadkirina wî.”
Di dewama daxuyaniyê de wiha hate gotin: “Em Ji bo parastina Rêber Abdullah Ocalan li kantona Efrîn û Şehbayê însiyatîfa parêzerên Sûriyeyê. Em bang li Kurdistaniyên li çar parçeyan û hemû cîhanê dikin û bang li hemû gelên azadîxwaz ên cîhanê dikin ku ji bo azadiya Rêber Abdullah Ocalan tevlî kampanya navneteweyî bibin.”
Daxuyanî wiha bi dawî bû: “Em bang li rêxistinên navneteweyî û mafên mirovan ên bi pêşengiya Konseya Mafên Mirovan, desteya Tenduristiyê ya Neteweyên Yekbûyî û Rêxistina Dijî Îşkenceyê (CPT) dikin ku erka xwe ya exlaqî û yasayî pêk bînin û dawî li sîstema îşkence û qirkirinê bînin. Dewleta Tirk neçar bike ku rêzê li peyman û qanûnên navneteweyî yên têkildarî mafên mirovan û mafê çarenûsiya gelê Kurd bigire û Rêber Abdullah Ocalan azad bike.”
