Welatiyên bakurê Sûriyê cejna qurbanê pîroz dikin. Tevî hemû êrîş û dorpêçan jî welatiyên bakurê Sûriy daketin sûk û kolanan amadekariyê cejnê kirin.
Bi boneya cejna Qurbanê kolan û bazarên bajarên herêma Firatê bi welatiyan hatin dagirtin. Hêzên Asayîşê jî tedbîrên ewlehiyê digirin û aramiya li herêmê diparêzin.
Sûkên Kantonên Kobanê û Girê Spî bi hatina cejna Qurbanê geş dibin.
Di kolan û bazarên van bajaran
de tevgera welatiyan zêde bûye û welatî pêdiviyên xwe û bi taybet şîraniyê ji bo cejna Qurbanê dikirin.
Welatiyan diyar kirin ku nirxên cilûbergan îsal gelekî bilind e û gotin ku buhaya şîraniyan baş e.
Yek ji rêûresmên cejna Qurbanê, pêşkêşkirina qurbanan e. Ji ber vê yekê welatî berê xwe didin bazarên sewalan û qur
banên xwe dikirin. Welatiyan diyar kirin ku buhaya qurbanan jî îsal baş e û di navbera 50 heta 60 hezar lîreyên Sûriyê de tên firotin.
Welatiyên bajarê Kobanê kêf
xweşiya xwe bi hatina cejna Qurbanê anîn ziman û diyar kirin ku ew pêdiviyên xwe ji bo pêşwazîkirina cejnê dikirin û bi taybet cilûbergên zarokan, qurban û şîranî û gotin: “Tevî ku buhabûn heye jî lê welatî neçar in pêdiviyên cejnê bikirin. bi saya fedekariya şervanên
YPG’ê û YPJ’ê û bi saya xwîna şehîdan em niha cejna xwe li welatê xwe pîroz dikin.”
LI HERÊMÊN RIZGARKIRÎ CEJN
Bi hatina cejna Qurbanê re tevgera welatiyan di nav sûkên bajarên Reqa, Tebqa û Dêrazorê de zêde bûye. Hêzên Ewlekariya Hundirîn jî tedbîrên parastinê xurt kirine.
Polîsên trafîkê rê li ber ketina erebe û motorsîklêtan li nava sûkan girtine. Piştî 4 salan ku ji dagirkeriya DAIŞ’ê rizgar bûn, şêniyan ji bo kirîna pêdiviyên cejnê berê xwe da sûkan. Bi nêzîkbûna cejnê re şênî qurbanan ji sûkê sewalan dikirin. Îsal ji salên din bêtir sûka sewalan bi firoşkar û muşteriyan geş bûye. Buhayê her qurbanekî li gorî pîvan û cureya her sewalekî cuda ye.
Di aliyê ewlekariyê de jî tîmên mudaxeleyên lezgîn û ambulans di nav bajaran de digerin…ANHA
