Reşo Mihemed/ Qamişlo
Insiyatîfa Parêzerên Sûrî bi daxuyaniyekê da zanînin ku biryara cezayên dispilînê li ser Rêber Apo, dîmenekî diramaktîk ê dewleta Tirk ji du aliyan ve dide xuyakirin, yek jê îşkence û ya din jî pêkanîn sûcên dijîmirov ye û got, da ku tecrîd bi dawî bibe divê civaka navneteweyî li gorî madeyên zagonî tevbigere.”
Insiyatîfa Parêzerên Sûrî Ji Bo Parastina Rêber Abdullah Ocalan têkildarî berdewmiya pergala tecrîd û îşkenceya li ser Rêber Apo daxuyaniyeke nivîskî da.
‘Kiriyarên qedexekirina hevdîtinan sûcekî dijmirovî ye’
Di destpêka daxuyaniyê de Insiyatîfê destnîşan kir ku qedexekirina hevdîtinên bi Rêber Apo sûcekî dijmirovî ye û wiha got: “Di 6 Mijdarê de Parêzerên Rêber Apo raporek ji bo hevdîtina bi Rêber Apo re ji dadgeha duyemîn a bicihkirinê li Bûrseyê re pêşkêş kir. Dewleta Tirk ev xwesteka hevdîtinê red kir û 6 mehên din cezayên dispilînê zêde kir, biryara qedexekirina hevdîtinan, binpêkirineke domdar e ji bo zagonên navnetewî ye. Ji ber vê yekê dîmenekî diramaktîk ji du aliyan ve dide xuyakirin, yek jê îşkence û ya din jî pêkanîn sûcên dijîmirovî li ser bingehê nijadperestî û desthilatdariyê. Di heman demê de tekez dibe ku dixwaze fikir û siyaseta gelê kurd a berxwedêr biçewisîne. Herwiha danûstandinên dewleta Tirk ên tektîkî li ser mijara azadiya fîzîkiya Rêber Apo dide diyarkirin. Ev mijar ne tenê pirseke mirovî ye, lê belê azadiya Rêber Apo, çareserkirina pirsgirêka gelê kurd e. Ev yek jî ji hemû aliyan ve gaveke jêneveger e. Biryara qedexekirina hevdîtinan a ji hêla dewleta Tirk a faşîst ve, derheqê doza gelê kurd û azadiya Rêber Apo paşguhkirinke e. Bi taybetî piştî destpêkirina pêngava cîhanî ya ku di 10’ê Cotmeha 2023’an de ji 74 navendên cîhanê, bi durşmeya “Azadiya fîzîkî ji bo Rêberê Gelê Kurd Abdullah Ocalan û çareseriya siyasî ji pirsgirêka kurd re bi şêweyên cuda li cîhanê tevî belav bû û bandorke mezin ava kir hîn jî di asta xwe ya herî dijwar de ye.”
‘Dewleta Tirk madeyên zagonî yên navnetewî bin pê dike’
Insiyatîfa Parêzeran da zanîn ku dewleta Tirk biriyarên zagonî yên navnetewî diçewisîne û wiha domand: “Lewma jî em tevahiya cîhanê bi şepolên xwe yên serbixwe û yên desthilatdar, li ser xeteriya dewamkirina tecrîdê agahdar dikin. Herwiha ji wan re didin xuyakirin ku biriyara tecrîdê, kiriyarke dûrî madeya 3’yan ji Peymana Ewripî ya Mafên Mirovan a sala 1950’î ye. Li aliyekî din jî binpêkirineke derbarê madeya 7’an ji Sîstema Roma ya Dadgeha Tewanên Navnetewî ya Lahayî ku di sala 1998’an de li dar ket. Tecrîd li dijî madeya 5’an a Peymana Navnetewî ji bo Mafên Sivl û Siyasetmedaran, hem jî madeya 1 û 2’yan ji Peymana li dijî Êşkenceyê ya 1984’an.”
‘Pêwîste civaka navdewletî li gorî biriyarên xwe tev biger’
Insiyatîfa Parêzerên Sûrî Ji Bo Parastina Rêber Abdullah Ocalan diyar kir ku da ku tecrîda li ser Rêber Apo were bidawîkirin divê civaka navdewletî li gor biriyarên xwe tevbigere û wiha got: “Em bang li civaka navneteweyî dikin ku biryarên cidî ji bo bidawîkirina tecrîdê û mîsogerkirina azadiya fîzîkî ya Rêberê, bidin. Bi mercê ku biriyar li gorî riya çareseriyê be ya ku Rêber Abdullah Ocalan mafên mirovan û siyasetmedar di 22’ê Mijdara 2024’an de pêşkêş kir. Di heman demê de bi awayekî lezgîn bang dikin ku divê biryara 173/ 43’an pêk were, ev biriyara di 9’ê Berfanbara 1990’î de hat dayîn û mafê kesê her kesên rastî îşkenceyê tê, diparêze. Pê re jî pêwîste civaka navdewletî li gorî biryara ku di 4’ê Berfanbara 1990’î de hat dayîn a rêgezên têkiliya bi kesên girtî re, bimeşe.”
