Ronaz Silêman/Qamişlo
Şêniyên kantona Qamişlo ji bo pêşwazîkirina silavên Rêber Apo yên ku ji gel re şandiye, herwiha daxwazkirina azadiya fîzîkî ya Rêber Apo, meşeke girseyî li bajarê Qamişlo lidar xistin.
Ji aliyê Insiyatîfa Gel ve, li ser asta bajarê Qamişlo ji bo bersivdayîna silava Rêber Apo ya ku ji bo gel re şandiye, di bin dûrişmeya “Rêber Apo vîna me ye”, herwiha bi rihê berxwedana Îmralî, Gerîla û gelê azadîxwaz teqez em ê biserkevin û azadiya fîzîkî ya Rêber Apo misoger bikin, meşeke girseyî lidar ket. Di meşê de bi 1000’an gel ji 7 salî heya 70 salî, di heman demê de hemû sazî û rêxistinên di bin sîwan Rêverberiya Xweser de beşdar bûn.
Di meşê de silganên “Bijî Serok Apo, Bê Serok jiyan nabe, Bican bixwîn em bitere Ocalan” hatin qîrandin.
Meş ji pêş Dermanxaneya Deham a li taxa Kornîş hat destpêkirin û li çarxaneya Felahîn veguherî mîtîngê. Berî mîtîng dest pê bike, hemû kesên beşdar tevlî xuleyeke bêdengî li ser giyanên şehîdên azadiyê bûn, herwiha sirûda “Ey reqîb” ji aliyê ciwanan hate xwendin.
Piştre li ser navê Insiyatîfa Gel Remziya Mihemed ku bi zimanê kurîd û Heyan Elxewîr bi zimanê Erebî axaftin hate kirin.
Remziya Mihemed diyar kir ku xwesteka wan silavê xwe bighînin Rêberê netewî Rêber Apo û wiha got: “Sed silav ji bajarê Qamişlo heya girava Îmiraliyê. Em her roj bi Rêber Apo re jiyan dikin, her roj bi berxwedana wî re têkoşîna xwe mezin dikin. Beriya çend rojan Rêber Apo ji bo tevahî gelan silav şandin e, demekî ku Rêber Apo ji me bêtir bi me dihizire. Rêber Apo bi 4 gotinan di hevdîtina xwe de, silav daye, tecrîd şermezar kiriye, tundiya ku di hundirê zindanê de tê meşandin, di nav tecrîdê de dide diyarkirin, him jî bilindkirina têkoşîn û berxwedanê wê bibe encama serkeftin û azadiyê da diyarkirin, him jî rêya çareserkirinê ku wê ji Îmraliyê derkeve ji bo tevahî netewan dide diyarkirin. Rêber Apo wiha dibêje ’Tenê win zemînê ji min re amade bikin, ez ji bo çareseriya siyasî û hiqûqî amade me’. Çiroska azadiyê ji Îmraliyê derdikeve, ev çirozik wê li tevahî cîhanê belav bibe.”
Heyan Elxewîr anî ziman ku berxwedan ji tecrîdê meztir e û wiha got: “Rêber Apo hêza wî ya pratîkî û teorî heye ku hemû pirsgirên Rojhilata Navîn û Cîhanê çareser bike. Herwiha hêza wî ya ku van hemû şerên heyî yên li ser rûyê erdê veguherîne çareseriyeke siyasî û hiqûqî.”
