Lîloz Hisên/Qamişlo
Weşanxaneya Aram li bajarê Qamişlo pêşengehek ya pirtûkan vekir, zêdetirî 2000 pirtûk bi zimanê kurdî tên pêşandan, herwiha pirtûkên ku hatine pêşandan ji gelek mijarên cihêreng pêk tên.
Weşanxaneya Aram li navenda Mihemd Şêxo ya Çand û Hunerê ya bajarê Qamişlo pêşengehk pirtûkan vekir. Pêşengeha Aram li ser sê rojan dewam dike 15-16 û 17 mijdarê.
Di pêşengehê de 2000 û 700 pirtûk hatin pêşkêş kirin bi zimanê kurdî, herwiha 220 navnîşan hene, mijarên pêşengehê derbarê dîrok, roman helbest, pirtûkên zarokan, kilasîkên cîhanê ku hatine wergerandin. Pêşangeha pirtûkan ji aliyê mamoste, şanoger, rewşenbîr, xwendevan û gelek kesan ve hate ziyaretkirin.
Gerek ev weşanxane jî tevlî pêşengeha Herekol ya pirtûkan biba, lê ji ber astengiyên ku ji hêla gumrika dewleta Tirk hate sekinandin, piştî ku ji gumrika dewleta Tirk xelas bû, kete destê çeteyan de li wir jî astengî derket, ji ber vê yekê tevlî pêşengeha Herekol nebû. Lê bi israr û îradeyeke mezin ku bighêje bajarê Qamişlo û bikeve nava destên gel têkoşîn kir û pêşengeh vekir. Ji bo kesên ku dixwestin pirtûkên weşanxaneya Aram bigrin dest, ev pêşengeh hate vekirin.
Hêjayî gotinê ku weşanxaneya Aram di sala 1998`an hatiye avakirin û li Bakurê Kurdistanê li bajarê Amedê kar û xebatên xwe di nava zor û zehmetiyan de dimeşîne.
Piştî bi dawîbûna pêşengehê navendek li Qamişlo hatiye amadekirin, navenda Têkiliyan ya Weşanxaneya Aram da ku pirtûkên weşanxaneyên lê bên pêşkêşkirin li hemberî xwaringeha Domînoz li ser rêya Hesekê.
