Dilovan Kêfo/Amûdê
Welatiyên bajarê Amûdê 64’emîn salvegera şewata Sînemaya Amûdê û komkujiya bi dehan zarokan bibîr anîn. Di mersaîmê bîranînê de gelek sazî, partî û kesên rewşenbîr jî amade bûn.
Merasîmê salvegera şewata Sînemaya Amûdê bi deqeyekê trêzgirtinê li ser giyanê şehîdan dest pê kir.
Piştre li ser navê Komîna Filmê A Rojava Hoşyar Mûrad axivî û wiha got: “Wek anîna ziman ya rastîyê, huner jî ji bo desthilatdaran herdem qadekî xeter hatiye dîtin. Wek huner, sînema jî; bi awayek dîtbarî xwe-îfadekirinê ya heqîqetê rolekî pir giring dilîze û ew heqîqet bi çavê zarokan bi awayek herî xweş tê ditîn û bi awayek herî zelal tê vegotin .Zarok pêşeroja cîvakê ne. Heqîqet bi rêya zarokan bi awayek herî zelal xwe digihîne pêşerojê . Di dîrokê de gelek desthilardar ji bo paşxistin, tunekirin û pişaftina cîvakekî, zarok taybet hedef girtine. Zarokên ku koka herî paqij ya însanîyetê rastî êrîşên hovane hatine . Mixabin yek ji van jî qetlîama sînema Amûdê ye.”
Her wiha li ser navê Komteya Rewşembîrên Herêma Cezîrê Arşek Beravî zarokên sînemaya Amûdê bi bî anî û helbestek pêşkêş kir.
