Jinên Başûrê Kurdistanê nerazîbûn nîşanî êrîşa dewleta Tirk ya li ser Şengalê dan û diyar kirin ku ew ê li ser mîrasa ku Mam Zekî hiştiye têkoşînê bilind bikin.
Hikûmeta AKP’ê ji bo desthilatiya xwe li ser piyan bigire, polîtîkaya xwe ya şer a li dijî Kurdan de berdewam dike. AKP ku niha Tirkiye xistiye nava krîzeke aborî ji bo van binkeftinên xwe veşêrê roja 15’ê Tebaxê êrîşê Şengalê kir û di encam de Endamê Kordînasyona Civaka Êzidî Zekî Şengalî şehîd bû. Jinên ji Şengalê, Qendîlê û ji Rojhilatê Kurdistanê êrîş şermezar kirin û diyar kirin ku ew ê rêya têkoşînê ya Mam Zekî berdewam bikin û dijminê xwe kêyfxweş nekin.
Sara Şengalî: “Ez rêheval Zekî ku di encama sûîkasta dewleta Tirk de şehîd bû bi rêzdarî bi bîr tinim. Ez ev êrîşa dewleta Tirk a bi hevkariya nokeran pêk aniye şermezar dikim. Nirxekî cûda yê Mam Zekî ji bo Êzidiyan heye. Xwestin di şexsê Mam Zekî de femraneke din a nû li ser Êzidiyan pêk bîne. Lê, divê dijmin bizanin ku emê li ser rêya Mam Zekî bibin lehî û biherikin. Em ê şîna wî vegerin têkoşîn û berxwedanê.”
Xane Sor: “Dewleta Tirk ku afrînerê DAIŞ’ê ye, bi dûbarekirina komkujiya Şengalê hewl didin me bi tirsînin. Wê gelê Êzidî ji van êrîşan ne tirsin. Em ê weke jinên Êzidî parastina xwe bikin û xwe bi Sîstema Xweser a Demokratîk bihêz bikin.”
Azeta Egîd: “Xwestin di roja vejîna Kurdan 15’ê Tebaxê de bi êrîşa li ser Şengalê re derbeyek li vê rojê bixin. Mam Zekî di êrîşa dagirkeran de şehîd bû. Em ê van planên qirêj li çar parçeyên Kurdistanê têk bibin. Em ê di rêya Rêber Apo û Mam Zekî de biçin û dijminê xwe qet kêyfxweş nekin. Bêdengî û bê helwestiya hikûmeta Iraqê lanet dikim.”
Siwêyda Resûl: “Wê êrîşên dewleta Tirk me qet ne tirsîne. Di bombebaranên Qendîlê zevî û baxên me zirer dîtin. Divê em li dijî ev êrîşên li ser axa Başûr, hev bigirin. Ez ji vir bang li dijmin dikim, em natirsin, em ê di rêya şehîdan û Rêber Apo de bimeşin. Em ê bi ew mîrasê ku Mam Zekî ji me re hiştiye têkoşînê bilind bikin.”…
ROJNEWS
Em ê li ser rêya Mam Zekî bimeşin
