Diyana Mistefa/ Reqa
Yekmîn civîna damezrêner ya Meclisa Zanînngehên Bakur û Rojhilatê Sûriyê li Reqayê hat lidarxistin.
Bi amadebûna hevserokatiya Meclisa Rêveber a Rêveberiya Xweseriya Demokratîk yên herêma Bakur û Rojhilatê Sûriyê, Evîn Suweyd û Hisên Osman û nûnerên zanîngehên herêmê (Zanîngeha Rojava, El Şerq û Kobanî) Serokatiya Hevbeş a Rêveberiya Perwerdeyê ya Rêveberiya Xweser û nûnerên wê saziyên perwerdehiyê yên cuda, civîna avakirina Meclisa Zanîngehên Bakur û Rojhilatê Sûriyê li avahiya Zanîngeha El Şerq a bajarê Reqayê hat lidar xistin.
Civîn bi deqeyek rêzgirtinê destpê kir, piştre hevserokê perwerd e û fêrkirinê a Rêveberiya Xweseriya Demokratîk a Bakur û Rojhilatê Sûriyê Xelef El-Metar axaftinek pêşkêş kir û tê de lidarxistina civînê pîroz kir û nirxand ku pêşketina xwendina bilind de gaveke girîng e.
Piştre li ser pirensîpên bingehîn ên zanîngehên Bakur û Rojhilatê Sûriyê hate xwendin û piştre reşnivîsa rêziknameya navxweyî ya Meclîsa Zanîngehên Bakur û Rojhilatê Sûriyê ku ji aliyê komîteya amadekar a civînê ve hatibû amadekirin, hate xwendin.
Pêşnûme bi berfirehî û kûr hat nîqaşkirin, piştî ku hin guhertin li ser hatin zêdekirin, ji aliyê beşdarên civînê ve hat qebûlkirin.
Di xebatên roja yekem de beşdaran bi hilbijartina 20 endamên jin û mêr ku nûnertiya 3 meclîsên zanîngehan û desteya Perwerdeyê ya Rêveberiya Xweseriya Demokratîk a Bakur û Rojhilatê Sûriyê kirin.
Beşdaran her wiha di dawiya roja yekem a civînê de, serokatiya hevbeş a Meclîsa Zanîngehên Bakur û Rojhilatê Sûriyê bi nûnertiya “Medya Hemşo û Xelîl El-Elî” hilbijartin.
Di roja duyemîn de jî belgeya “Erke û pêşxebatên Saziyên Rêveberiya Xweseriya Demokratîk a Bakur û Rojhilatê Sûriyê û Mekanîzmaya Têkiliyên di navbera Meclisa zanîngehan de” hat xwandin û şirovekirin.
