Ronaz Silêman/Qamişlo
Bi hevkariya Desteya Çandê ya kantona Cizîrê, Peymangeha Orkestra Rojava ya Zarokan konsertek muzîkê li Navenda Mihemed Şêxo ya Çand û Hunerê ya Qamişlo li darxist.
Her sal ji aliyê Peymangeha Orkestra Rojava konsert tê lidarxistin. Îro jî Peymangeha Orkestra Rojava ya Zarokan bi hevkariya Desteya Çandê ya Kantona Cizîrê konsertek muzîkê li navenda Mihemed Şêxo ya Çand û Hunerê ya bajarê Qamişlo li dar xist. Ev konsert bi armanca eşkerekirina encamnameya dawî ya peymangehê hate lidarxistin.
Berî destpêkirina konsertê xuleyeke bêdeng, ji bona şehîdên şoreşê hat girtin.
Huner deng û rengê sipehî û qeşenge, muzîk davrînera ramana hest û rengê li ser dorê ye, bi van gotinan koma Orkestra Rojava ya zarokan dest bi pêşandan çend muzîk û stranan kirin. Herwiha di beşa 2’an di Konsertê de, li rêvebera peymangehê û mamosteyên Peymangeha Orkestra Rojava rûmetname û spasname hatin belavkirin û ji aliyê Peymangeha Orkestra ve, spasiyeke taybet ji bo Desteya Çandê ya Kantona Cizîrê hate kirin.
Di dawiya Konsertê de jî, li ser navê Desteya Çandê ya Kantona Cizîrê Ilyas Sîdo û Firyal Çolî axivîn û wiha gotin: “Em spasiya Peymangeha Orkestra dikin ku kedeke giranbûha dane, heta ku ev zarok gihiştine asteke baş û serkeftî. Ev çend salin Peymangeha Orkestra hatiye vekirin û em wek Desteya Çandê her dem amadene ku piştgiriya wê bikin, ji xwe deriyê wê jî, ji bo pêwazîkirina her kesî vekiriye. Di heman demê de em pêşerojeke xweş û geş ji zarokên xwe re dixwazin. Ji xwe spasiya herî mezin ji malbatên van zarokan re ye, ji ber ev zarok wê di pêşerojê de bibin berhemên vî welatî û hêviya vî welatî.”
