Meclisa Sûriya Demokratîk têkildarî hevdîtinên bi rêjîma Sûriyeyê re û nirxandina rewşa siyasî bi şêniyên Bakurê Sûriyê re civînan lidardixe û li wan guhdar dike.
Meclisa Sûriya Demokratîk (MSD) bi armanca nirxandina encamên civîna wan bi rêjîma Sûriyê re li dibistana El-Kerame El-Cinûbiye ya herêmê civînek li dar xist. Bi dehan şêniyên herêmê, rûspiyên êlên herêma El-Kerame, gundewarên Reqayê û endamên saziyên sivîl û leşkerî tev li civînê bûn.
Di civînê de Endamê MSD`ê Hesen Mihemed Elî li ser rewşa siyasî ya Sûriyê axivî. Her wiha nirxandin li ser hevdîtinên wan bi rêjîma Sûriyê re kirin û diyar kir ku MSD hewl dide yekitiya xaka Sûriyê, biratiya gelan di navbera hemû pêkhteyan de û hevpeyvînên Sûrî-Sûrî bêyî destwerdanên derve, ava bike.
Hesen Mihemd destnîşan kir ku ew li ser banga rêjîma Sûriyê bi wan re civiyan, wan şandeyek ji hemû pêkhateyên Bakurê Sûriyê ava kir û ber bi Şamê ve çûn. Hesen Mihemed diyar kir ku ew li ser tecrubeya Rêvberiya Xweser a Demokratîk û pêwîstiya çareserkirina aloziya Sûriyê bê destwerdanên derve axivîn, her wiha derbarê aliyê tendirustiyê û xizmetguzariyê de nîqaş hatin kirin û derbarê derbasbûna hêzên leşkerî yên Sûriyê ji Tebqayê re tu lihevkirin nehatine kirin.
Di dawiyê de Hesen Mihemed Elî li nirxandinên şêniyan û pirsên wan guhdar kir û nîqaş hatinkirin…ANHA
