Argêş Gewda/Qamişlo
Di 9’ê Mijdara 2021’an de, taxa Hilêliyê ya bajarê Qamişlo Yûsif Gulo û du neviyên wî Mazlûm û Mihemed Gulo balafirên (SÎHA) di destê dewleta Tirk ya dagirker hatin armanckirin. Encamê de Apê Yusif û û Mazlûm û Mihemed Gulo şehîd bûn. Kazim Ergûn bi nasnav Enter Dêrsim ku di dehan sale di nava tevgera azadiyê têkoşîn dida, 11’ê Mijdarê di encama krîza dil de li Rojavayê Kurdistanê şehîd bû.
Di salvegera şahadeta Apê Yusuf û nevîyên wî û şoreşgerê mezin Enter Dersîm ya 3’emîn de, li goristana Şehîd Delîl Saruxan ya bajarê Qamişlo hatin bîranîn. Endamên Sazîya Malbatê şehîdan û malbata Gulo û gelek welatî û saziyên Rêveberîya Xweser jî tevlî bîranîne Apê Yûsif bûn. Di bîranînê de, li ser navê Saziya Malbatên Şehîdan Emer Musa, li ser navê malbata Gulo jî birayê wî Brahîm Gulo axivî. Pişti axiftinan goristana şehit Apê Yusif, nevîyên wî û şehîd Enter Dersim jî hatin ziyaret kirin. Bîranin bi dirûşmeyên Şehîd Namirin bi dawî bû. Piştra welatiyên ku tevlî bîranînê bûn, heya peykerê Apê Yûsif Gûlo ya bi çerxerêya ser navê wî hatiyê çêkirin meşîyan.
‘Emê rêya Apê Yusif bişopînin’
Di bîranînê de, li ser navê Sazîya Malbatê Şehîdan ya Qamişlo Emer Musa axivî, xêr hatina mêvanan kir. Û wiha anî ser ziman “Ji bo bîranîna salvegera 3’emîn ya Apê Yûsif û herdû nevîyên wî em li wir kombûn e. Apê Yûsif qehramenek û berxwederek di nava Tevgera Azadiyê bû. Li çîyayên Kurdistanê bi salan berxwederî û tekoşîn dabû meşandin. Di Lûbnanê li gel Rêber Apo perwerde dîtibû. Zarok û malbata Apê Yûsif de, bi pêşengtîya wî Tevgera Azadîyê naskir û tevlîbûn hatin kirin. Gelek pakrewanê mala Gulo jî di uxura welat da gehiştine asta şahadetê. Kedek mezin li di nava şoreşa Rojavayê Kurdistanê jî da. Şoreşgerê sosyalist û pêşeng Enter Dersîm jî heman ked û xebat didan meşandin. Em salvegera şahadetê van pakrewana bi rêzdarî wan bibîrtînin û soza şopandina rêya heqîqetê didin.”
‘ Em wek malbata Apê Yusif emê tola wî erdi nahêlin’
Piştî axiftina Emer Musa, li ser navê malbata Gulo, Ibrahîm Gulo axift berxwedana her çar beşên Kurdistanê silaw kir û wiha destpê axiftina xwe kir “Em destpêkê wek malbata Gulo xerhatina we hemûyan dikin. Em aliyekî pir xemginin lê pir ser bilindin jî. Ji ber em xwedî birayekî weke Yusif Gulo me. Yusif Gulo qehremanê şoreşa Rojavayê Kurdistanê bû. Wî ti carî sere xwe ji ber dijminan netewand. Ev pêşengê Tevgera Azadiyê bû. Dujmin ne karî qada şer Apê Yusif têk bibe. Serî li xiyanetkaran da. Li ser wê bingehê em ti cara xiyanetkaran efû nakin. Em wek malbata Apê Yûsif Mazlum û Mihemed emê tola wan erde nehêlin. Em berxwedaniya her çar parçeyên Kurdistanê dimeşe de slaw û piştgirîya wan dikin. Dîsa bi boneya salvegera şahadeta Apê Yusif û her dû nevîyên wî û şoreşgerê mezin Enter Dersîm bibîrtînin û ji bona kesê amade em spas dikin.”
