Di çanda kevnar a Rojhilatanavîn de destar xwedî cihekî girînge û ev çand li Kurdistanê heta roja îro hê jî dewam dike. Emîne Îsa jî vê çandê diparêze û zindî dihêle.
Emîne Îsa ya 57 salî ku ji pêkhateyên Ereb e ,5 zarokên wê hene û yek ji jinên gundê Til Farûq e. Destar ji dapîr û baîrên wê jê re mîrate maye û her karê xwe yê hêranê bi destar dike. Emîne ji bo ku çanda dapîr û bapîran nede jibîrkirin heta ji destê wê tê vê çandê diparêze.
Emîne diyar kir ku çanda mirov dîroka mirov e û wiha got, “Ji zaroktiya min de dayika min min fêrî bikaranîna destar kir. Wê demê hemû jinan bi destar pêdiviyên xwe ya hêranê bi cih dianî. Lê niha ev çand gelek kêm bûye. Sedema wê jî pêşketina teknîkê ye. Pêşketina teknîkê girîng e lê nayê wateya ku mirov dûrî çanda xwe ya resen bikeve, ji ber ku parastina çandê, parastina nasnameya mirov e. “
Emîneyê di berdewamiya xwede wiha got, “Gelek caran cîranên min destar dixwazin ji bo ku genim an jî nîskan pê bihêrin. Ez bi kêfxweşî destar didim wan. Ji ber ku ez dixwazim ev çand têk neçe. Ez ji bo malê genim û nîskan pê dihêrim. Tema tiştên bi destêr tên hêran jî cuda ye.
Emîneyê di dawiya axftina xwe de wiha got, “Ez ê heta dawî çanda xwe biparêzim û erka her jinekê ye ku çanda xwe bi parêze. Ji ber ku çand bi destê jinê hatiye afrandin û çand ji çandiniyê hatiye.”…
JINNEWS
Dayîka Emîne çanda destar diparêze
