Esed El-Ebadî destnîşan kir ku projeya Rêveberiya Xweseriya Demokratîk ku li Bakurê Sûriyê pêk hatiye, ji bo gelên herêmê fersendeke dîrokî ye û bang li rêjîma Sûriyê kir ku bi erênî nêzî projeyê bibe. El-Ebadî wiha got: “Projeya Rêveberiya Xweser xeyal bû û niha li ser erdê pêk tê. Lewre jî pêwîst e ev tecrube li tevahî Sûriyê û herêmên din wekî Iraqê pêk were.”
Çalakvanê siyasî û hiqûqnas Esed El-Ebadî têkildarî tecrubeya Rêveberiya Xweseriya Demokratîk a li herêmên Bakurê Sûriyyê hatiye rûniştandin axivî û diyar kir ku ev tecrube serkeftî ye.
El-Ebadî anî ziman ku ew ji bo serdana Bakurê Sûriyê ji aliyê Desteya Derve ya Kantona Cizîrê ve hat vexwendin û wiha got: “Piştî derbasî Rojava bûm û min serdana saziyên rêveberiya xweser û bi rayedarên desteyên xizmetguzarî, tenduristî û perwerde hevdîtin kir, min dît ku projeya rêveberiya xweser xwedî hêz e, li ser bingehê wê gel xwe bi rêxistin dike.”
El-Ebadî destnîşan kir ku gelê Rojava û Bakurê Sûriyê projeya rêveberiya xweser fam kir û bêyî cudahiyên etnîkî û olî bû xwedî biryar û wiha dewam kir: “Rêveberiya Xweser xewn kir rast, gelek kêmasî derbas kirin, ji ber nakokiyên di navbera pêkhateyan derketin rastî keleman hat.”
El-Ebadî anî ziman ku gelek lêkolîneran texmîn kir ku dê li Bakurê Sûriyê şerekî navxweyî derkeve û ev tişt bi lêv kir: “Encamên texmînên wan berevajî derketin, me dît ku gelê Bakurê Sûriyê rêveberiya xweser qebûl kirin û bi xwe, herêmên xwe bi rêve bibirin. Serkeftina rêveberiya xweser piştî ked û westandin hat, ji ber ku gelê bi biryara xwe de bi israr bû, hemû li welatekî bi hev re dijîn.”
Têkildarî pêşeroja Sûriyê û çareserkirina aloziyê, El-Ebadî wiha got: “Heger rêjîm tecrubeya li herêmên Bakurê Sûriyê negire, tu guhertin wê li qada Sûriyê rû nede û alozî wê dirêj bike. Tecrubeya rêveberiya xweser fersendeke dîrokî ye. “
Li ser hevdîtinên MSD û rêjîma Sûriyê, El-Ebadî hevdîtin gaveke erênî ber ber pêşeroja Sûriyê bi nav kir.
Çalakvanê siyasî û hiqûqnas Esed El-Ebadî di dawiyê de got tecrubeya rêveberiya xweser bingeha modela neteweya demokratîk e û hêvî kir ku ev tecrube li tevahî Sûriyê, dewletên derdorê û Iraqê pêk were…ANHA
Projeya Rêveberiya Xweser fersendeke dîrokî ye
