Li kantona Şehbayê bi tevlêbûna bi hezaran welatiyên Efrîn û Şehbayê tecrîda li ser Rêberê Gelê Kurd Abdullah Ocalah bi meşekê hate şermezarkirin.
Welatiyan di meşê de wêneyên Rêberê Gelê Kurd Abdullah Ocalan, wêneyên şehîdan rakirin û ji rawestgeha di navbera gundên Til Qerah û Til Sosîn de dest bi meşê kirin û di meşê di ji bo Ocalan dirûşme avêtin.
Meş li qada Serdemê veguherî mîtîngê. Rêveberê TEV-DEM‘ê Hesen Koçer li wir axivî û destnîşan kir ku gel ji bo azadiya Ocalan kom bûye, tevlêbûna mezin a ji bo meşê nîşaneya serkeftina projeya netewa demokratîk û biratiya gelan e.
Hesen Koçer anî ziman ku sedema tecrîda li ser Ocalan ew e ku Tirkiye ji fikirê Ocalan ditirse.
Endama Koordînasyona Kongreya Star Hêvîn Silêman bi navê jinên Efrîn û Şehbayê soza şopandina xeta Ocalan û şehîdan da û destnîşan kir ku wê jin bersiva her êrîşan bide û civakeke azad û demokratîk ava bike.
Hevserokê Meclisa Kantona Şehbayê Îmad Dawûd jî got, “Komployên li djiî gelê azad û demokrasîxwaz ji Îmralî heya Efrîn û Şengalê encamên pilanên têkbirina îradeya gelê herêmê ye. Ev komplo îradeya me naşkîne em ê xeta azadî û demokrasiyê berdewam bikin.”
Mîtîng bi dirûşmeyên azadiya Ocalan û şermezarkirina dewleta Tirk bi dawî…ANHA
