Birûc Resûl/Qamişlo
Pêkhateyên bajarê Qamişlo li dijî êrişên dewleta Tirk a dagirker meşek girsayê li dar xistin.
Bi sedan şêniyên bajarê Qamişlo yên kantona Cizîrê bi meşekê êrişên dewleta Tirk a dagirker ên li ser herêma Bakur û Rojhilatê Sûriyê şermezar kirin.
Meş ji çerxerêya Sonî destpêkir û li pêşiya navenda Mihemed Şêxo ya Çand û Hunerê bidawî bû. Di meşê de wêneyên Rêber Abdullah Ocalan, pankartên “Na ji êrişên dewleta Tirk re, na ji qetilkirina zarokan û Bi sekina gelê şoreşê, em ê dagirkeriyê têk bibin” hatin hildan.
Her wiha dema ku meş gihîşte li ber Navenda Mihemed Şêxo deqeyek rêzgirtin li ser giyanê şehîdan rawistiyan.
Piştre li ser navê Rêveberiya Xweser Hikmet Hebîb axivî û wiha got: “Em êrişên dewleta Tirk yên li ser herêma Bakur û Rojhilatê Sûriyê
şermezar dikin. Ev êriş li dijî zagonên navneteweyî ne û pêwîste ji dewleta Tirk hisab bê xwestin li ser van sûcan.”
Di heman demê de li ser navê Tevgera Civaka Demokiratîk TEV-DEM Remiziya Mihemed da zanîn ku ew ê li ser piya bin û ti carî ser li hemberî dagirkeriyê natewînin. Her ku êriş zêde dibe, ewqas kîn û nefreta gelan li hemberî dijmin zêdetir dibe û asta berxwedan û têkoşînê bilindtir dibe.
Çalakî bi qîrkirina “Bê Serok Jiyan nabe û Bijî berxwedana gelan”. Di heman demê de na ji dagirkeriyê re” bi dawî bû.
