Ronaz Silêman/Qamişlo
Nivîsgeha Rêxistinî ya Tevgera Civaka Demokratîk TEV-DEM derbarê êrişên dewleta Tirk a dagirker ên li dijî herêma Bakur û Rojhilatê Sûriyê daxuyaniyeke nivîskî da.
Nivîsgeha Rêxistinî ya Tevgera Civaka Demokratîk TEV-DEM derbarê êrişên dewleta Tirk a dagirker ên li dijî herêma Bakur û Rojhilatê Sûriyê li Nivîsgeha xwe ya bajarê Qamilşlo daxuyaniyeke nivîskî da. Di daxuyaniyê de hemû hevserok û endamên yekîtiyên bajarê Qamişlo beşdar bûn. Herwiha daxuyanî bi zimanê erebî ji aliyê Rêveberê Nivîsgeha Rêxistinî ya Tevgera Civaka Demokratîk TEV-DEM Samî Elî ve hat xwendin.
Naveroka daxuyaniyê wiha bû:
Daxuyanî wiha hat destpêkirin: “Ji mêj ve, têkoşîna di navbera hêzên qenc û xerab, di navbera zalim û bindestan de berdewam e. Bi salan e ku em êrîşên tund û hovane yên rêjîmên li pey hev ên ku li Împaratoriya Osmanî li ser desthilatdariyê ne û herî dawî jî, ji aliyê Erdoganê faşîst û xwînxwar û çeteyên li ser sînorê Bakurê Sûriyê tê kirin. Bi hincet û lîstikên derewîn ên dewleta Tirk di bin navê ewlehiya neteweyî ya Tirkiyeyê diparêze. Armanca van êrişan têkçûna ezmûna demokratîk a li herêma Bakur û Rojhilatê Sûriyê û valakirina herêmê ji gelên wê yên resen, lewra êrişî biratiya gelan dike. Ji ber vê yekê, ew ferman dide hêzên xwe ku careke din êrişî binesaziya herêmê dike, di nav de navendên elektirîkê, stasyonên gaz û avê, heta sewal û nanpêjxaneyê jî di nav de.”
‘Armanca dewleta Tirk pêkanîna mîsaqa milî ye’
Daxuyanî wiha hat bidawîkirin: “Faşîzma Tirk xwedî armancên dîrokî li Rojhilata Navîne û armanca wê pêkanîna mîsaqa milî ye. Bazirganiyê bi doza Filistînê dike û yek ji mezintirîn waîz û munafiq e, ji aliyê olî yê gelên herêmê ve îstîsmar dike û dewleta Îsraîlê li ser êrişên wê yên li ser Filistînê sûcdar dike, di heman demê de ew bi xwe sûcên şer li ser gelê herêmê dide meşandin, di destpêkê de gelê kurd ê aştîxwaz, em bang li hemû rêxistinên mafên mirovan û navneteweyî dikin ku zextê li dewleta Tirk a dagirker bikin ku dest ji kiryarên xwe yên êrişkar berde û pirsgirêka Sûriyê li gorî biryara navneteweyî ya 2254 çareser bike.”
