Wezareta Derve ya Iraqê êrîşa balafirên şer ên dewleta Tirk a dagirker li ser Şengalê şermezar kir û careke din xwest ku dewleta Tirk ji axa Iraqê derkeve.
Roja 15’ê Tebaxê balafirên dewleta Tirk a dagirker li Şengalê Endamê Koordînasyona Civaka Êzidî Zekî Şengalî hedef girt û di encamê de Şengalî şehîd bû.
Têkildarî mijarê, berdevkê Wezareta Derve ya Iraqê Ehmed Mecûb daxuyaniyek da û ev tişt got: ʺWezareta Derve ya Iraqê êrîşên hewayî yên Tirkiyê li ser herêmên Şengalê şermezar dike.ʺ
Wezareta Derve ya Iraqê diyar kir ku derbarê êrîşa li ser Şengalê de tu têkilî di navbera Bexda û Enqereyê de çênebûye.
Her wiha Wezareta Iraqê careke din xwest ku Tirkiye hêzên xwe ji axa Iraqê derxe, ji ber ku ev yek ne li gorî hevpeymanên navneteweyî ye.
