Zana Roj/ Şehba
Koordînasyona Partiyên Siyasî li Kantona Efrîn û Şehbayê li dijî êrîşên dagirkeriya Tirk li ser herêmên Bakur û Rojhilatê Sûriyê daxuyaniyek dan. Di naxuyaniyê de hate destnîşankirin ku divê biryargehên navnetewî bi biryara Navnetewî ya 2254 pabend be.
Îro li Kantona Efrîn û Şehbayê li hember êrîşên dagirkeriya Tirkiyê yên ku li seranserî Bakur û Rojhilatê Sûriyê hatine destpêkirin. Koordînasyona Partiyên Siyasî daxuyaneke şermezarkirina ji raya giştî re dan.
Daxuyanî bi beşdarbûna bi dehan ji partî, tevger, rûsipiyên herêmê, tevgerên jin û Rêveberiya Xweser li bajarokê Babinên hate dayîn. Daxuyanî bi her du zimanên Erebî û Kurdî hate xwendin. Di naveroka daxuyaniyê de ev hate eşkere kirin.
Di destpêka daxuyaniyê de ev hate gotin: “Hikûmeta AKP-MHP’ê ya Turk di binkeftina xwe ya rêvebirina welêt de dewam dike, ew jî di encama polîtîkayên wê yên şovenîst di derheqê gelê xwe û gelên herêmê bi giştî de pêk tê, lê ji van polîtîkayên tengav ji bilî binkeftinên domdar tu encam negirin.
Piştî ku dewleta Turk di operasyonên xwe yên dawî de ku di bin navê (Mexleb El Nimir) de li çiyayan bi bin ket, careke din herêmên Şehba û Şêrewa bi topavêjan da ber topbaranê û di encamê de çar kes şehîd bûn û gelek sivîl jî ku piraniya wan zarok û jinên ji bajarokê Til Rifetê bûn birîndar ketin, ev sûcên ku dewleta Turk a dagirker pêk tîne polîtîkayên darê zorê yên li ser herêmê ne û berdewamkirina destekdana komên radîkal ên weke rêxistina DAÎŞ, Elnûsre , komên radîkal, komên Amşat û Hamzat ên ku di lîsteya terorê de ne, ev yek bi serê xwe tehlûkeyê li ser herêmê û cîhanê çêdikin”.
Di berdewamiya daxuyaniyê de diyar bû ku PDK ê destek dide terorê û wiha hate gotin: “Gelê Sûrî bi giştî û bi taybetî herêmên bakur û rojhilatê Sûriye ji terora dewleta Turk bi awayekî rasterast êş dîtiye û berdêlên giran di berxwedaniya li hemberî rêxistinên terorîst de bi sed hezaran şehîd û birîndar dane, tevî ku dewleta Turk mebestên xwe bi awayekî eşkere li beramberî qirkirina kurdan û têkbirina xeyala wan li ser welatê wan ê dîrokî raber dike, em dibînin ku polîtîkaya Partiya Demokratîk a Kurdistanê PDK’ê bi fikrên faşîzma Erdoxan a ku herêm veguhert qadeke vekirî ya berdewamkirina şeran û cihekî guncav ji bo destekdana terorê re li hev dike”.
Daxuyanî wiha hate domandin: “Koçberên Efrîn û Şehbayê yên ku soz dane şehîdên Berxwedana Serdemê ku ew ê di bilindkirina ala têkoşînê de berdewam bikin heya ku vegera koçberên ku bi darê zorê ji malên xwe hatine derxistin, misoger dikin û hîna jî li ser soza xwe ne û wê heya misogerkirina serkeftin û azadiyê asta berxwedanê bilind bikin”.
Di dawiya daxuyaniyê de ev hate eşkere kirin: “Em bi navê kordînasiyona Partiyên Siyasî di Kantona Efrîn û Şehbayê de ,dagirkeriya Turkiyê ya hovane li ser herêmên me bi tundî ne’ilet û şermezar dikin,û rêxistinên Hiqûqî û mirovî berpirsiyar e di bambarankirina berdewam li ser sivîlan û em bang li dewletên gerantor dikin ku vî şerî rawestînin û hesab ji dewleta Turk bixwazin û bi biryara Navnetewî 2254 pabend be”.
