Rêxistin Stêrk ya Parastin û Şopandina Mafê Zarokan li Kantona Efrîn û Şehbayê, li hember êrîşên dagirkeriya Tirkiyê yên ku li ser herêma Bakur û Rojhilatê Sûriyê pêk tên, bi taybet hedefgirtina zarokan di nava van êrîşan de bi daxuyaniyekê şermezar kirin.
Zana Roj/ Şehba
Bi gurkirina êrîşên dagirkeriya Tirkiyê li seranserî herêmên Bakur û Rohilatê Sûriyê ku di encama wê de bi dehan zarokn jiyana xwe ji dest dan û birîndar bûn. Îro li Kantona Efrîn û Şehbayê ji aliyê Rêxistina Stêrk ya Parastina Mafê Zarokan li hember hedefgirtina zarokan daxuyaniyek ji raya giştî re hate dayîn.
Daxuyanî li pêşiya Navenda Rêxistina Stêrk li Kampa Serdem bi beşdarbûna bi dehan ji zarokan hate dayîn.
Di destpêka daxuyaniyê de wiha hat gotin: “Êrîşên dewleta Tirk ya faşîst û komên çeteyên girêdayî wê li ser tavahî herêmên Bakur û Rojhilatê Sûriyê bi hovîtî têne berdewam kirin, di encama van êrîşan de gelek sivîlên herêmê hatin hedefgirtin di nava wan de jin û zarok in”.
Di berdewamiya daxuyaniyê de ev hate ziman: “Ji destpêka aloziya Sûriyê ve û hemû gelên gerêmê û bi tavahî pêkhateyên xwe di nava van şeran de bûn qurbanî û ev şer bandora xwe li ser tavahî herêmê kir. bi taybet di nava van şeran de yên ku herî zêde bandor dîtine zarok bûn. Ji mafên xwe yên weke jiyankirina bi aşîtî û xwendinê hatin durxistin û heyanî niha rojane rastî kiryarên dijmin tên.
Niha jî careke din faşîzma tirkiyê zarokên herêmê li pêşiya raya gitştî digire hedef. Rûxmî hebûna belge û peymanên navdewletî û netewî, lê li hember parastina mafê zarokan xwe berpirisyar nabîn in. divê ev kiryar û sûcên ku derheqê herêmê û zarokan de têne kirin bêne sekinandin. Ji ber dewleta tirkiyê tavahî pîvan û peymanên navnetewî derbaskiriye”.
Her wiha di dawiya daxuyaniyê de bang li rêxistinên têkildar hate kirin û wiha gotin: “Em Rêxistina Stêrk ya PArastin û Şopandina Mafê Zarokan û Ofîsa Parastina Zarokan bêdengiya rêxistinên parastinê û rêxistinên parastina mafê zarokan yên navnetewî şermezar dikin. her wiha divê li hember kiryarên dagirkeriyê yên ku jin û zarokan digire hedef bisekirin û bi erkên xwe rabin.”
