Lîloz Hisên/ Qamişlo
Ji bo bîranîna şehîd Bêrîtan û şermezarkirina êrişên dagirkeriya Tirk yên li dijî herêmên Bakur û Rojhilatê Sûriyê, jinên bajarê Qamişlo bi pêşengiya Kongra Star, bi dirûşmeya ‘Li hemberî dagirkeriyê û xiyanetê; JIN, JIYAN, AZADÎ’ meşek lidar xistin.
Şêneyên bajarê Qamişlo û bi pêşengiya Kongra Star, ji bo bîranîna Şehîd Bêrîtan Hêvî , herwiha şermezarkirina êrişên dewleta Tirk a dagirker ku heta vê kêliyê dewam dike, meşeke girseyî lidar xistin.
Meş ji çerxerêya Şehîd Rûbar Qamişlo destpê kir û heta ber bi stadyûma 12`ê Adarê bi dawî bû. Şêniyên bajarê Qamişlo, saziyên Rêvebriya Xweser û mecalisên wê bi moraleke xurt tevlî meşê bûn, herwiha neqbûlkirina li dijî van êrîşên hovane nîşan dan.
Di meşê de wêneyên Rêber Abdullah Ocalan û Şehîd Bêrîtan hatin hildan û nivîsên li ser ” Li hemberî dagirkerî û xiyanetê Jin, Jiyan, Azadî”, di heman demê de dirûşmeyên “Bê serok jiyan nabe, Faşist Erdogan û Şehîd namirin” qîr kirin.
Piştî meş gihaşt satdyûma 12`ê Adarê, şênî deqeyeke rêzgirtin sekinîn ji bo giyanê şehîdên azadî û rûmetê. Piştre hevseroka Partiya Yekîtiya Demokratîk PYD’ê Perwîn Yûsif axivî.
Perwîn Yûsif di destpêka axaftina xwe de, di şexsê şehîd Bêrîtan de tevahî şehîdên xeta rûmetê bi bîr anî û wiha pê de çû: “Şehîd Bêrîtan bi şehadeta xwe ya li hemberî îxanetê rêya rastî û berxwedanê ji me re diyar kir, di huzira bîranîna şehîd Bêrîtan de ku di heman demê de li hember gelê me îro êrîşeke giran tê kirin, êrîşên dewleta Tirk di vê demê de nîşana îflasa wê li hemberî têkoşîn û berxwedana ku gelê me raber dike. Ev berxwedan û têkoşîna ku tê meşandin, bingeha wê hêz û fikrê Rêber Apo ye.”
Perwîn Yûsif wiha axaftina xwe domand: “Erdogan di rêya daxuyaniyên xwe de dîsa dixwaze gelê kurd bixapîne û berê me bide şerekî taybet û cuda. Kilîta çareseriya van kirîzên ku li Rojhilata Navîn çêdibe, ber bi jiyaneke azad û aram ve, tenê fikir û felsefeya Rêber Apo ye.”
Perwîn Yûsif derbarê sardana malbata Rêber Apo ku di ku do ji aliyê Omer Ocalan ve pêk hatiye wiha got: “Em gelekî bi şensin ku hevdîtin bi Rêber Apo rê çêbû, lê hevdîtinên li ser esasê çareseriyê û di riya qanûnî de gereke bê kirin. Rêber Apo vîna tevahî gelan e û xwedî projeyeke çareseriyê ye.”
Perwîn Yûsif di dawî diyar kir ku gelê kurd bi fikir û felsefeya Rêber Apo mezin bûne, ji ber vê yekê wê tucarî xwe radestî rêjîmên desthilatdar nekin. Wê serekftin her dem ya felsefeya Azad be.
