Diyana Mistefa/Reqa
Meclisa Malbatên Şehîdan a Kantona Reqayê bi daxuyaniyekê êrişên dewleta Tirk li ser herêma Bakur û Rojhilata Sûriyê şermezar kir û got, dagirkeriya Tirk gelan dike armanc û pêwîste hesab jê bê xwestin.
Dewleta Tirk a dagirker creke din dest bi êrişên berfireh li dijî herêma Bakur û Rojhilatê Sûriyê kir. Dagirkerî wekî her car binsazî û gelên herêmê dike armanc. Di êrişên heriyê dawiyê ku heta vê kêliyê berdewamin, bi dehan welatî ku di nava wan e zarok jî hene, şehîd û birîndar bûne.
Derbarê êrişên dawioyê de Meclisa Malbatên Şehîdan ya kantona Reqayê û êrişên dagirkeriyê bi tundî şermezar kir.
Daxuyanî ji aliyê beredevka Meclisa Jin a Meclisa Malbatên Şehîdan a kantona Reqayê Abîr Hec Abdullah ve hat xwandin û naveroka daxuyaniyê wiha bû: “Di vê qonaxa hestiyar de ku Rojhilata Navîn bi giştî û herêma me bi taybetî tê re derbas dibe, dagirkeriya Tirk û hevalbendên wê ji çewisandina vîna gelan polîtîkayên qirêj, mitîngeriyê û zilmê dikin. Polîtîkayên qirêj û êrîşên hovane yên ku li dijî gelan dikin, armanc jê çewisandina vîna gelên herêmê ye. Em ji sazî û rêxistinên navneteweyî û mirovî dixwazin ku li hemberî sûcên dagirkeriyê helwesta xwe nîşan bikin û hesab ji dagirkeriyê bixwazin.”
