Ronaz Silêman/Qamişlo
Pêşangiha Pirtûkan a Şehîd Herekol di roja xwe ya 7ʹan de li hola zana a bajarê Qamişlo bi dana panêlekê û imzekirina 3’ê pirtûkan bi dawî bû.
Desteya Çandê ya Herêma Bakur û Rojhilatê Sûriyê bi koordîneya Desteya Çandê ya kantona Cizîrê salane Pêşangeha Pirtûkan a Şehîd Herekol li dar dixe. Gelek çapxaneyên xwecih û yên navneteweyî beşdar bûn.
Îsal jî 8’emîn pêşangeha şehîd Herekol di 15’ê Cotmehê de bi dirûşma “Ka em xwendinê bikin şêweyekî jiyanê” li hola Zana ya bajarê Qamişloyê dest pê kir û di 22’ê Cotmehê de wê bidawî bibe. Pêşengeh ji 8 sibehê û heta 8’ê êvarî deriyê xwe li pêş mêvanan vedike. Di van 8 rojan de 54 çapxane û saziyên wêjeyî bi 143 hezar pirtûk û bi 15 hezar sernavan beşdar bûne. Herwiha di danê evarê yê pêşangehê de çalakiyên cûr bi cûr tên lidarxistin.
Pêşangeh di roja xwe ya 7’an de bi dana panêlekê ku ji aliyê aliyê profîsyora Amerîkî Bonî Mîllir dest pê kir. Bonî Mîllir bi riya zoom tevlî pêşangehê bû û panêla xwe di derbarê têkiliya malbat bi zarokan re, herwiha têkiliya mamosteyan li dibistanê bi zarokan re da.
Di heman demê de 3’ê pirtûk hatin îmzekirin, ew pirtûk jî ya nivîskar Rewşen Elî bi navê Kehreman Elitme, ya din jî ya nivîskar Ridwan Yûsif bi navê Nejbîr herî dawî pirtûka Jiyana Oxirê a nivîskar Zahid Mehmûd hat îmzekirin.
