Birûc Resûl/Qamişlo
Pêşengeha Şehîd Herekol roja xwe ya 2’emîn bi semîner, îmzekirina pirtûk û şahiyek hûnerî bi dawî bû.
8‘e mîn Pêşengeha Şehîd Herekol a bi diruşmeya “Ka em xwendinê bikin şêweyekî jiyanê” bi beşdariya 54 weşanxane, pirtûkxane, navend û saziyên wêjeyî yên xwecih, Kurdistanî, Sûriye, Lubnan, Iraq, Balçîka, Brîtanya, Misir, Kiwêt û Îmaratê roja xwe ya dûyan li Hola Zana a bajarê Qamişlo bi dawî kir.
Bi dehan Rewşenbîr, nivîskar, lêkolîner, mamoste û xwendekarên zanîngeh û dibistanan, endamên saziyên Rêveberiya Xweser, dezgehên ragihandinê li herêmê serdana pêşangehê dikin.
Îro danê êvarî bi sernavê `Wêje û rexnegiriya wêjeyî li Rojavayê Kurdistanê` ji aliyê nivîskar Merwan Berekat ve dê semîner were dayîn, merasîmê îmzekirina pirtûkan û şahiyeke hunerî bên lidarxistin.
Di pêşengehê de 143 hezar pirtûkên; wêje, çîrok, roman, helbest, şano, lêkolîn, felsefe, zanistên civakî, siyaset, fikir, dîrok, ziman, rêziman, ferheng, gotarên cuda û yên zarokan ên bi zimanên cuda hene.
Ji aliyê nivîskar Merwan Berekat ve semînera bi sernavê ‘Wêje û rexnegiriya wêjeyî li Rojavayê Kurdistanê’ hate dayîn. Semîner li ser astên ku wêjeya Kurdî di van salên dawî de gihiştiyê. Her wiha girîngiya wêjeya Kurdî di nav civakê de çi ye bi haziran re hat nîqaşkirin. Di sermînerê de gelek nêrînên cuda cuda derket û ji aliyê Nivîskar Berekat ve bersiv hat bersivdayîn. 
Piştre jî pirtûka Nivîskar Merwan Berekat a bi navê ”Xencera Destikizîvî” hat îmzekirin. Û di dawî de pêşengeh bi şahiyeke hunerî ji aliyê Orkîsa Zarokên Rojava ve bi dawî bû.
Pêşangeh heta 22`ê Cotmehê dewam dike.
