Diyana Mistefa/Reqa
3`emîn Kongreya Meclisa Giştî ya Jinan a Partiya Sûriyeya Pêşerojê bi hilbijartina berdevka meclisê, du cîgerên jin û gelek biryarên girîng bi dawî bû
3`emîn Kongreya Meclisa Giştî ya Jin a Partiya Sûriyeya Pêşerojê bi dirûşmeya “Têkoşîna me garantîkirina şoreşa jinan û avakirina Sûriyeke demokratîk e” ku nêzîkî 500 jin ji Reqa, Tebqa, Minbic û Dêrezorê beşdarî kongrê bûn, yê ku li salona Tac a bajarê Reqayê bi beşdariya nûnerên Rêveberiya Xweseriya Demokratîk a Bakur û Rojhilatê Sûriyê û rêxistinên jinan, bi taybetî Encûmena Jinên Sûriyê, Kombûna Jinan a Zenûbiya û Yekîtiyên Parastina Jinê (YPJ), Encûmena Sûriyeya Demokratîk û ofîsên jinan di partiyên siyasî de başdarbibûn.
Çalakiyên kongreyê bi xwandin û Şirovekirina perspektîvên siyasî û rêxistinî, rapora karê Encûmenê ya du salan û li gel pêşandana sînemayê ya derbarê xebatên Encûmenê berdewam bû.
Ji bo Berdevka Meclîsa Giştî ya Jinan a partiyê Fatima El-Elî û wekî nûnerên meclîsê Zozan Şemo û Eytan Ferhad hatin hilbijartin.
Kongre bi bi daxuyaniya ji aliyê Berdevka nû ya Meclisa Jinan a Partiya Sûriyeya Pêşerojê Fatima El-Elî ve hate xwendin û têde pêşhatên xebatên kongrê û biryarên ku hatin girtin, bi dawî bû.
Li gorî daxuyaniyê biryar wiha ne:
– Şopandina dosyaya Şehîd Hevrîn Xelef bi mebesta radestkirina wê ji dadgehên navdewletî re ji bo berpirsên tawanên cengê bipirsin.
– Xebatên ji bo bidawîkirina hemû cureyên tundiya li ser jinan.
– Pêdiviya xebateke bi zanebûn û birêxistinkirî di qada siyasî û civakî ya jin de bi pêşxistina siyasetên partiyê û gotarên netewî yên Sûriyê.
– Xebat ji bo danîna stratejiyeke siyasî ya femînîst di çarçoveya Peymana Civakî û nexşerêya Meclîsa Sûriyeya Demokratîk.
– Belavkirina raman û armancên Partiya Sûriyeya Pêşerojê di hundirê Sûriyê de ji bo wergerandina bernameyên xebatê yên pêşerojê û weke hêzeke niştimanî ya Sûriyê.
– Piştgiriya xwenîşandanên aştiyane li hundirê Sûriyê, li Deraa, li Suweydayê, li her deverekê ku daxwaza çaksaziya siyasî û aborî û nenavendîbûnê dikin weke çareseriyek ji kirîza welat.
– Bilindkirina asta karê dîplomasî bi berfirehkirin û zêdekirina çalakî û bûyerên siyasî û dîplomasî li welatên Rojhilata Navîn û cîhanê.
– Pêwîste hemû jinên Sûriyeyê bi daxuyanî, xwepêşandan, meşên jinan û şermezarkirina êrîşên dewleta Tirk a dagirker ên li ser herêmê, komployên li ser herêmê tên meşandin pûç bikin.
– Rêxistinkirin û aktîvkirina rola jinên ciwan weke hêza bingehîn a pêşxistina civakê.
– Pêşxistina bernameyên geşepêdanê û piştgirîkirina projeyên aborî ji bo baştirkirina rewşa jinan.
– Kar ji bo piştgirî û cîbicîkirina peymana civakî ya jinan û aktîvkirina yasayên girêdayî kar û mafên jinan, bi taybetî yasaya malbatê.
– Bihêzkirin û bihêzkirina şiyanên jinên Sûriyê ji bo aktîvkirina rola xwe di pêvajoya siyasî û di cihên biryardanê de.
– Teqezî li ser girîngiya xebatên femînîstî û avakirina kanalan ji bo gihiştina lihevhatineke hevpar li ser nêrînên siyasî bi armanca dîtina çareseriyan ji pirsgirêka jinan re li Sûriyê.
– Vekirina dewreyên perwerdeyê yên girtî/vekirî ji bo hemû endamên Meclisa Giştî ya Jinan, da ku di avakirina kesayetên rêbertiyê û amadekirina kadroyên jin de bibe gaveke xurt.
