Diyana Mistefa/ Reqa
Bi sedan şêniyên kantona Reqayê cenazeyê Şervanê komandos Mistefa Mihemed El-Mûh bi soza şopandina rêya şehîdan heta serkeftinê oxir kirin.
Bi sedan şêniyên kantona Reqayê, saziyên sivîl û leşkerî û partiyên siyasî ji bo oxirkirina cenazeyê Şervanê komandos(Neşmî El-Reqa) yê bi navê rastî Mihemed Mistefa El-Mûh, ber bi Mezara Şehîdan a Hikûmetê ve li bakurê bajarê Reqayê herikîn. ê ku li kantona Minbicê dema erka xwe ya leşkerî pêk dianî, şehîd bû.
Merasîma oxirkirinê bi deqeyeke rêzgirtinê ji bo giyanê Şehîdan dest pê kir, piştre bi toraneke leşkerî ji aliyê Şervanên Komandos ve hat pêşkêş kirin
Li ser navê Hêzên Sûriyeya Demokratîk, fermandarê Hêzên Sûriya Demokratîk Ehmed Mistefa axivî û got: “Em îro sersaxiyê li Şehîd Ehmed ku di pêkanîna erka xwe ya neteweyî de şehîd bû dikin, bi bîr û baweriya neteweya demokratîk, ji bo rizgarkirina hemû xaka me û parastina wan ji hemû êrîşan, wê rêya şehîdan bidomîne.”
Endamê Meclisa Malbatên Şehîdan a Reqayê Esad El-Ecîl jî wiha got: “Di nava bawermendan de zilamên ku bi soza têkişînê re bûne rast in.”
El-Ecîl wiha got: “Em îro xatir ji rêhevalekî xwe yê komandosdixazin, yê ku ji bo projeya ku jê bawer bû têkoşiya û weke şervanekî şoreşger ji bo mirovahiyê û ji bo projeya neteweya demokratîk têdikoşî û têkoşiy e.”
El-Ecîl ji malbatên Şehîdan re wiha got: “Em ê li ser şopa Şehîdan bimeşin û em ê layiqî Şehîdên xwe bin, ji ber vê yekê divê em bi awayekî rêxistinkirî ji bo rêveberiya xweseriya demokratîk bixebitin.”Merasîm bi xwendina wesîqeya Şehadetê û teslîmkirina malbata wî bi dawî bû, piştre cenazeyê şehîd di nava tilîliyan û dirûşmeyên “Şehîd Namirin” de bi dawî bû û Şehîd spartin axê. Şehîd Mihemed Mistefa El-Mûh ê ji bajarê Reqayê ye, di sala 2001’an de ji dayîk bûye, zewicî ye û zarokek wî heye û di 13’ê Cotmeha 2024’an de li kantona Minbicê şehîd bûye.
