Diyana Mistefa/Reqa
Meclisa Giştî a Kantona Reqayê derbarê salvegera Komploya Navneteweyî ku di 9’ê Cotmeha 1998’an de li dijî Rêber Apo dest pê kir, daxuyaniyek da.
Diyana Mistefa/Reqa
Di daxuyaniyê de, endamên komîn û meclisên Reqayê û Kombenda Efrînê a Civakî amade bûn.
Daxuyanî ji aliyê hevsaroka Meclisa Giştî ya Kantona Reqayê Heyfa Mislim ve hat xwandin.
Daxuyanî wiha bû: “Komploya Navneteweyî 26 sal in didome, komploya ku di 9’ê Cotmeha 1998’an de bi çûna wî ya ji Sûriyeyê dest pê kir, weke “operasyona nato ya herî mezin” bi nav dike û Rêber Apo di 15’ê Sibata 1999’an de radestî dewleta Tirk a dagirker hat kirin. Ev 25 sal in di bin sepandina sîstema îşkence û qirkirinê de di zindana Îmraliyê de hatiye girtin û Komploya navneteweyî di sala xwe ya 26’emîn de bi rê û rêbazên cuda didome.
Ev dewletên dagirker bi vê komployê dixwazin tekoşîna rizgariyê rawestînin û têk bibin, lê ji ber ku ramana Rêber Apo azad e û her dem rêya me ronî dike, lewma negihiştin tiştên ku dixwazin.
Tirkiye bi komployên xwe yên li dijî Rêber Apo bi avêtina girtîgehê têr nekir, binpêkirinên xwe yên li dijî Rêber Apo berdewam kir, tecrîda girankirî li ser wî ferz kir û nehişt ku malbat û parêzer bi wî re hevdîtinê pêk bînin.
9`Cotmehê, dîrokek bi êş e, ev dîroka salvegera dagirkirina Serêkaniyê û Girê Spî ye jî. Wan ji xwe re texmîn dikirin ku bi dîlgirtina Rêber Apo re wê şoreşa azadiyê têk biçe, lê armanca wan negihişt serî. Niha li Bakur-Rojhilatê Sûriyê gelên herêmê ji bo biratiya gelan û netewa demokratîk teorî û ramanên Rêber Abdullah bi cih birin û ketin rêya sêyemîn dûrî nakokiyên mezhebî û netewî.
Em jî weke meclîsên gel, komîn û gelên kantona Reqayê, soza tevlîbûn û beşdarbûna di hemû çalakiyên ji boazadiya Rêber Apo de, didin.
Ji bo avakirina biratiya gelan û aşitiyê, pêwîste di vê salvegerê de berpirsyariyên exlaqî û mirovî yên civaka navneteweyî bi cih bînin û zext li ser artêşa Tirk bikin, ji bo azadkirina fîzîkî ya Rêbertî di vê salvegerê de erka xwe bi cih bînin.
