Argêş Gewda/ Qamişlo
Rojnamevan û rêhevala tekoşînê ya Seyîd Evran, Stêrk Gulo da diyar kirin ku pêşengiya Seyid Evran ji bo pêşxistina xebatên Ragihandina Azad ji nifşên nû re derfetek mezin ava kir û bû nexşerêyek.
Rojnameger û nivîskar Seyîd Evran yek ji pêşengên avakirina Çapemeniya Azad, di sala 1979’an de li navçeya Hênê ya Amedê ji dayik bû, zêdeyî 30 salan di xebatên Çapemeniya Azad de bi awayekî çalak cih girt. Evren di 22’ê Îlonê a 2023’an ji ber nexweşiya dil, li Bakur û Rojhilatê Sûriyeyê şehîd bû.
Derbarê salvegera şahadeta rojnamevan û şoreşger Seyîd Evran de, rojnamevan û hevala wî ya tekoşînê Stêrk Gulo ji rojnameya me ra axivî.
‘Seyid Evran dildarê rastiyê bû’
Stêrk Gulo di destpêka axaftina xwe de bal kişand ser têkoşîna şehîd Seyîd Evran û wiha got: “Ev demekê dirêj bû ku me heval Seyîd Evran nasdikir. Hevalê Seyîd, ji Bakurê Kurdistanê bajarê
berxwedanê li Amedê navçeya Hênê ji dayik bû. Malbata wî di dîroka serhildanên Kurdistanê de, berxwedaniyek mezin meşandi ye. Wî bi rihê welatparêzî û yêkitiyê xwe xemilandibû û bibû Kurdistanî. Hem wek şoreşgerekî, hem jî wekî rojnamevanekî çapameniya azad xwe gihandibû lûtkeyekê mezin. Di derheqê serhildanên Kurdistanê de xwedî agahiyek mezin bû. Heval Seyîd hewil dida ku rastiya Kurdistanê derxîne rûyê erdê û bibe dengê rastiyê. Heval Seyîd pir herikbar û bi tevger bû. Jiyan ti cara li gel heval Seyîd nedisekinî û pir jêhatî bû. Ew bîra civakê bû. Di Çapemeniya Azad de xwedî bîr û bawerî bû. Dijmin hewil dide ku bîr û mejiyê gelê Kurd vala bike û qir bike. Hevalê Seyîd li hemberî wê berxwedaniyek e mezin kar û xebatê rojnamevaniyê dida meşandin. Hertim dixwest ku dîrokê nas bike û bide naskirin jî. Ji ber wê diçû kîjan heremê erdnigariya li wir, gelê li wir de jîyan dike. bi hurgileyekê herî mezin lêkolîn dikir û di nîvîsand. Heval Seyîd fedekar bû û hevalên xwe hez dikir, xwe nêzî dilê mirovan dikir. Hevaltiya wî pir paqij û xwezayi bû. Heval Seyîd zarokê şoreşê bû û bixwe wek kesayet şoreş bû.”
‘Seyîd Evran mamosteyê jiyanê ji bû’
Stêrk Gulo axaftina xwe wiha berdewam kir: “Hevalê Seyîd Evran pişta xwe sipartibû çiyayên azad. Li her girê ku şopa gerîlayên azadîyê tê de berxwedanî pêşxisti be, pênûsa xwe tê hişti bû. Hevalê Seyîd ne tenê rojnamevan û şoreşger mamosteyê jîyanê bû. Heval Seyîd rastî di rûyê gerîla de dît. Heval Seyit pir hewil da ku Çapemenîya Azad pêş bikeve. Heval Seyit di rojnameya damizerandina rojnameya Polîtika Azad de cih girt. Ruxmê ku êrişa li ser navenda rojnameya Politikaya Azad de brindar jî dibe, gav di paş de na avêj e. Pîşeya heval Seyîd endazyarî bû, lê xwastek û pêşketina wî hemû kar û xebatê jiyanê da xwe dida pêş. Heval Seyit kesayetek ku hertim xwe zindî dikir û pêwajoyê de herdem guhartin ava dikir. Tevgera hevalê Seyit ya fizîkî derbas dikir. Enerjiya wî ya rih û fikrê wî bû. Hertim hest û fikrên azad jiyan dikir. Di her 4 parçeyên Kurdistanê de jî xebat kir. Başûrê Kurdistanê herêm bi herêm malbat bi malbat nas dikir. Di heman demê de li Rojavayê Kurdistanê bû pêşengekek şoreşê. Hevalê Seyîd ji gel hezdikir û li wan guhdar dikir û nîqaş dikir. Heval Seyîd stûnek ji çapemeniya azad bû. Hezaran şagirtên heval Seyîd bi kesayeta xwe û bi kar û xebatê xwe da avakirin.”
‘ Seyîd Evran: Dibe em rastiya şervanên azadiyê bi hemû cihanê bidin guhdarkirin’
Rojnamevan Stêrk Gulo biranînek xwe û Şehîd Seyit Evran dema bûyerek dişopandin got û wisa domand: “Di pêngava Şehîd Rûbar Qamişlo de em û hevalê Seyêd bi hevre wek rojnamevan dişopand. Baran dibarî û kamiraya heval şil dibû. Kamiraya ber baranê di parast û di got: ‘ Pêwiste ev kêliyên niha ev şervan û milîtanên Rêber Apo jiyan dikin, em bi hemû hurguliyên wê cihanê giştî bidin guhdar kirin.’
Ev di anî ser ziman ku ev hovitî û terora DAIŞ’ê wek zindî derxine pêşîya hemû cîhan ê. Pir qetliamên çeteyên kujer yên DAIŞ’ê bi wênekeş û kamiraya Seyit Evranhatine kişandin û temaşevanan we hate pêşandan. Hevalekê cesur û hertim dengê rasti û heqîqetê bû. Hevalê Seyit hemû erdngariya Rojavayê Kurdistanê geriya û naskir. Her gund û bajarên Rojavayê Kurdistanê geriya û gel ra nîqaş dikir. Zarokê 7 salî û heya kalê 70’ê salî heval Seyit nasdikir û lê hezdikir. Heval Seyit hertim hemberî neheqîyê tekoşîn dikir. Heval Seyit Evranji bona doza xwe amade bû her tişti bike.”
‘Heval Seyîd pir nifşên nû yê wek kesayeta Seyîd Evran dan avakirin’
Stêrk Gulo wiha axivtina xwe bi dawî kir: “Heval Seyit stûnek ji çapemeniya azad bû. Bi hezaran şagirtên heval Seyit ava bûn. Heval Seyit gelek nifşên nû avakirin. Ciwanên Rojavayê Kurdistanê di beşa rojnamevaniyê de hevalê Seyit wek xetekê dibînin. Çêkirina nûçeyekê heya kişandina wêneyekê bi şêwaza heval Seyit Evrandikşînin. Endamên Ragihandina Azad, Dêrik heya Efrînê li ser şopa Seyit Evran, Gulistan Tara, Rizgar Adamiş û hwd. dimeşin. Heval Seyit hertim tîna ser ziman di got ‘ Ez şagirtê Gurbetlî Ersoz im.’ Kêlî bi kêlî rihê şehîdan re jiyan dikir û ji bona pêşxistina şoreşê her tim nav liv û tevgerê da bû. Em ti cara nahêlin ku pênûs û kamireya heval Seyit û hevalên doza pêşxistina Ragihandina Azad de şehid bûne erdê bimin e. Em hêz digirin ku me hevalên wek hevalê Seyit Evren re jiyan kiri ye. Bi mebesta salwegera şahadeta sala yekemîn de em wek rê hevalên wî yê Ragihandina Azad û tekoşînê, bi rêzdarî bibîrtînin û bejna xwe ditewînin.”
