Diyana Mistefa/Reqa
Meclisa Kombûna Jinan a Zenûbiya ya kantona Reqayê ji bo têkbirina tecrîdê û azadiya fîzîkî ya Rêber Abdullah Ocalan meşek girseyî lidar xist, di meşê de soza domandina têkoşînî heta pêkanîna azadiya fîzîkî ya Rêber Apo, hat dayîn.
Şêniyên Reqayê, Partiyên siyasî, Saziyên Sivîl, Meclisa Jinên Sûriyeyê, Kombûna Jinan a Zenûbiya û Meclisa Rêveber a Kantona Reqayê ji nexaşxaneya Zarokan heya Qada Jinê bi diruşmeyên”Bê Serok jiyan nabê” meşiyan.
Piştî gihêştina Qada Jinê bi deqeyekê rêzqirtin destpê kirin,piştre li ser navên Şêniyên Reqayê, berdevka Kombûna Jinan a Zenûbiya Bûseyna Ebdo axivî û wiha got: “Dewleta Tirk a artêş ev 25 sal in tecrîda girankirî ya li ser Rêbertî, di nava bêdengiya rêxistinên navneteweyî û Komîteya li dijî Îşkenceyê de didomîne. Divê hemû jin ji bo azadiya fîzîkî ya Rêber Apo bibin yek û têbikoşin. Bêdengiya civaka navneteweyî ya li hemberî rewşa Rêber Apo ya li Îmraliyê, binpêkirinên siyasî yên bêexlaq ku hemû qanûn û peymanên mafên mirovan binpê dike, fikir û felsefeya Rêber Abdullah Ocalan çareseriya Pirsgirêkên Rojhilata Navîn û pêkanîna aştiyê li seranserê cîhanê ye. ji ber ku ew bi tevahî têdigihin ku raman, felsefe û pirojeya navneteweyî ya li ser bingeha demokrasî û yekîtiya gelan çareseriya pirsgirêk û nakokiyên herêmên Rojhilata Navîn e Em weke jin û gelên Bakur-Rojhilatê Sûriyê, piştî ku em felsefe û ramana rêberê xwe yê ku bang li jinan kiribû ku li hemberî tundî û neheqiyê rabin ser piyan, em refên xwe bikin yek û soza xwe nû bikin. Heta em negihêjin azadiyê em ê dest ji daxwazên xwe bernedin, ji bo ku zincîrên Îmraliyê bişkînin û bigihêjin azadiya xwe, bi saya projeya neteweya demokratîk ji ber ku li ser esasê yekitiya gelan, wekhevî û edaletê hatiye avakirin.
Em weke jinên azad ên Zenûbiyayê di hemû qadan de rola xwe lîstin. Ji bo şikandina tecrîda li ser Rêberê xwe Abdullah Ocalan, em bi eşkerekirina polîtîka û binpêkirinên sîstematîk ên ku li dijî wî dimeşîne, berpirsyariya me ye û qanûnên navneteweyî yên der barê girtî û girtiyan de binpê dike û berovajî dike, heta ku rêberê me azad nebe û azadiya fîzîkî jê re neyê dayîn, em ê têkoşîna xwe ranewestînin.”
