Argêş Gewda/Qamişlo
Şopdarên rastiyê; endamên çapemenî û ragehandinê herdem rastî lîstokên xerab, tundî, işkence û zexta mitîngeran tên. Li her çar parçeyên Kurdistanê jî, endamên Ragihandina Azad ji aliyê dagirkeran ve tên armancgirtin.
Yêkemin rojnamevanê ku li Başûrê Kurdistanê hate şehîd xistin; Reûf Kamil Akreyî
Rojnamevan Reûf Kamil Akreyî di sala 1951’an de li navçeya Akrê ya Dihokê ji dayik bû. Di navbera salên 1976 û 1977’an de di Beşa Aboriyê ya Zanîngeha Mûsilê di rêza yekemîn de û li tevahiya Iraqê jî di rêza duyemîn de bidest xist. Piştî salekê Reûf Akreyî li Navenda Statîstîkan a Dihokê xebitî bû seredîtorê rojnameya Rêgay Rencdêran ku bi kurdî û erebî weşanê dike.
Akreyî di sala 1992’yan de ji bo ku şerê PDK û YNK’ê û êrişên wan yên li dijî Tevgera Azadiyê de bi dawî bibe, çû Akademiya Mahsûm Korkmaz a li Bekaayê û bi Rêber Abdullah Ocalan re hevdîtin kir.
Reûf Kamil Akreyî di 26’ê Gulana 1993’yan de li Dihokê li ber mala xwe ji aliyê çekdaran ve hat qetil kirin. Asayîşa Dihokê cenaze nîşanî malbatê neda. Asayîşa PDK’ê destûr neda ku êriş bê lêkolînkirin. Şehîdkirina Reûf Akreyî yekemîn cinayet ali hember rojnamevanan bû ku piştî Raperînê li Başûrê Kurdistanê pêk hat.
‘Endamên Çapemenîya Azad yên ku li Başûrê Kurdistanê Hatin şehîd xistin
– Rauf Kemal Akreyî
– Ebdilstar Tahir Şerif
– Soran Mame Heme
– Serdeşt Osman
– Denîz Firat
– Agir Bane
– Kawa Germîyanî
– Şûkrî Zeynedîn
– Nûjiyan Erhan
– Nagîhan Akarsel
– Mûrad Mîrza
-Gulistan Tara
-Hero Bahaddîn
Şehîdê destpekê yê dengê heqîqetê li Rojavayê Kurdistanê; Mazlûm Bagok
Dema ku çeteyên DAIŞ‘ê yê hov êrîşê Şengalê kirin, Mazlûm Bagok dema ku koridora mirovî ya şervanên YPG û YPJ’ê ji bona gelê Êzîdî vedikir û heman demê de êrîşên çeteyan bi şopîne û qirkirina li ser gelê Êzidî ragehîne hemû cihanê bi şêwazekî hovane hat şehîd xistin. Navê xwe di dîroka Rojavayê Kurdistanê nivîsand.
Endamên Çapemenîya Azad yên ku li Rojavayê Kurdistanê hatine şehid xistin
-Mazlûm Bagok (Ehmed Saado) di 28’ê Îlona 2014’an de dema ku vekirina korîdora mirovî ya di navbera Rojava û Şengalê de dişopand, şehîd bû
-Dilşan Îbiş Nûçegihana Ajansa Hawarê dema ku di 12’ê Cotmehê de hemleya Hêzên Sûriyeya Demokratîk a rizgarkirina rojhilatê çemê Firatê ji çeteyên DAIŞ’ê dişopand, şehîd bû
-Seyîd Evran Rojnameger, nivîskar û şoreşger di 22’ê Îlonê de di encama kirîza dil de şehîd bû
–Şîlan Botan (Rîm Xişman) endama çapemeniya YPG, YPJ’ê di 25`ê Nîsana 2017`an de, di encama bomberdûmana balafirên şer ên dewleta Tirk a li ser Çiyayê Qereçox şehîd bû
–Xerîb Welat (Xerîb Reşo) rojnamevan û yek ji damezrînerên ragihandina YPG’ê di 21’ê Nîsana 2017’an de, di dema şopandina Pêngava Xezeba Firatê ya ji bo rizgarkirina Reqayê ji çeteyên DAIŞ’ê,şehîd bû
–Îlon Nohlat (Ronahî Omer) endama çapemeniyê ya YPG, YPJ’ê di 20’ê Mijdara 2016’an de li herêmên Şehbayê di encama bombebarana artêşa Tirk a li ser herêmên Şehbayê de şehîd bû
-Arîn Cûdî (Ahîn Ibrahîm), di 31’ê Çileya 2016’an de li herêma El-Hawlê ya bajarê Hesekê dema karê rojnamegeriyê dikir, di encama teqîna mayînekê de, şehîd bû
–Agîrî Yilmaz (Meryem Mihemed), di 13’ê Nîsana 2015’an de dema ku li gundê Xan Mamed ê Kobanê yê rizgarkirina herêmên Kobanê dişopand, şehîd bû
–Rêwan Zagros (Kadar Xelef), di 21’ê Çileya 2014’an de li gundê Filistîn ê ser bi bajarokê Cezaa ve dema ku şerê YPG’ê li herêma Cezaa ya Girkê Legê dişopand, şehîd Bû
–Rustem Gilo (Selah Sîdo) di 11’ê Mijdara 2016’an de di encama bombebarana artêşa Tirk a dagirker a li ser herêmên Şehbayê de şehîd bû.
–Aram Can (Aram Ebdullah) di 2’ê Hezîrana 2016’an de li navçeya Ebû Qelqel di hemleya rizgarkirina Minbicê ji çeteyên DAIŞ’ê de, şehîd bû
– Bahoz Harûn di 1’ê Çileya 2015’an de dema ku şerê li dijî çeteyên DAIŞ’ê di nava bajarê Kobanê de dişopand şehîd bû.
– Mistefa Şukrî di 13’ê Tîrmeha 2016’an de di pêngava rizgarkirina Minbicê de birîndar bû û di 19’ê Tîrmeha 2016’an de li Nexweşxaneya Qamişlo şehîd bû.
-Tolhildan Welat (Ocalan Ehmed) endamê Çapemeniya YPG’ê di 22’ê Çileya 2018’an de di encama êrîşên hewayî yên artêşa Tirk a dagirker li dijî herêma Efrînê dişopand, şehîd bû
–Mihemed Reşo, peyamnêrê kanala ÇIRA TV, di 13’ê Cotmeha 2019’an de li Serêkaniyê di encama bomberdûmana balafirên dewleta Tirk a dagirker de şehîd bû.
–Sead El-Ehmed, nûçegihanê Ajansa Hawarê ANHA yê, di 13’ê Cotmeha 2019’an de li Serêkaniyê di encama bomberdûmana balafirên dewleta Tirk a dagirker de şehîd bû.
– –Heqî Bagok (Heqî Hesen) endamê çapemeniya YPG’ê di 25’ê Nîsana 2017’an de di dema bomberdûmana balafirên şer ên dewleta Tirk a li ser Çiyayê Qerçoxê de şehîd bû
—Ezîz Sînka di çapemeniya Azad dixebitî, di sala 2019’an de li herêma Til Temirê ji ber bomberdûmana dewleta Tirk şehîd bû
-Dilovan Gever (Dilan Olmez) endama ragihandina YPJ’ê di 13’ê Cotmeha 2019’an de li bajarê Girê Spî di encama bombebarana balafirên şer yên dewleta Tirk de şehîd bû
-Fîras Dag endamê ragihandina YPG’ê di sala 2017’an de şehîd bû
– –Rêwan Genco (Ehmed Hamo) endamê Çapemeniya YPG’ê di 25`ê Nîsana 2017`an de di dema bomberdûmana balafirên şer ên dewleta Tirk a li ser çiyayê Qereçoxê de şehîd bû
– Îsam Ebdullah Nûçegihanê ANHA’yê di 20 Mijdara 2022`an de, di dema bombebarana Tirkiyê bi balafirên şer li ser gundê Teqil-beqlê yê girêdayî bajarê Dêrikê de şehîd bû
–Wedat Erdemcî derhênerê belgefîlm e, ku roja 10’ê Cotmeha 2019`an dema mala wî li bajarê Serêkaniyê ji aliyê balafirên şer ên dewleta Tirk ya dagirker ve hat bombebarankirin, şehîd bû.
– Necmedîn Sînan, xebatkarê kanala JIN TV, di 23’ê Tebaxa 2023’an de li ser rêya Qamişlo-Amûdê di encama êrişa balafira bêmirov ya dagirkeriya Tirk de şehîd bû.
