Hemza Sêvo/ Qamişlo
Îro Însiyatîfa Gel a ji bo azadiya Rêber Abdullah Ocalan encamên kampaniya îmzeyan a ji bo azadiya Rêber Apo, li Stada 12’ê Adarê ya li bajarê Qamişlo bi daxuyaniyeke girseyî da eşkerekirin û hejmara giştî ya îmzeyên kampanyayê jî 3 milyon û 700 îmze hatin kom kirin.
Însiyatîfa Gel a ji bo azadiya Rêber Abdullah Ocalan encamên kampaniya îmzeyan a ji bo azadiya Rêber Apo, bi tevlîbûna girseyî ji saziyên Rêveberiya Xweser, gelên Bakur û Rojhilatê Sûriyê bi hemû pêkhateyên xwe ve, partiyên siyasî, endamên komînan eşkere kir
Daxuyanî bi zimanê kurdî û erebî hate xwendin û naveroka wê wiha bû:
Di destpêka daxuyaniyê de bal hat kişandin li ser destpêkirin, pêşveçûn û daxwîkirina kampaniyayê û wiha hat gotin: “ Gelên Sûriyê ta ku asta hezkirin, piştgirî, bawerî û israra xwe ya ji bo azadiya Rêber Ocalan nîşan bidin bi hemû netew û mezheb, bawerî,ol, pêkhate û beşên xwe di vê demê de bi peyamên xwe ji bo hemû hêzên komploger re sûdê werbigirin, kampanya komkirina îmzeyan ji bo azadiya Rêber Abdullah Ocalan ya ku di 9’ê Sibatê de hate destpêkirin di 4’ê Nîsanê de bi rojbûna Rêber Ocalan re bi dawî bû. Bi vê munasebetê û bi navê insiyatîfa gelêrî ya ji bo azadiya Rêber Abdullah Ocalan li Bakur û Rojhilatê Sûriyê, em spasî û rêzên xwe pêşkêşî gelê Sûriyê bi hemû netew, pêkhate, ol û mezhebên wê dikin, ku keda wan di kampanyaya komkirina îmzeyan de hebû ku di van mehên borî de weke şaneya mêşên hingiv bi çalakî û bêwestan kar dikirin. Bi van îmzeyên ku bi ahengî hatine wergiritin, hezkirin, piştgirî û baweriya xwe bi fikir, felsefe û doza Rêber Apo diyar dibe. Kampaniya ku li herêma Bakur û Rojhilatê Sûriyê bi berfirehî dest 
pê kir, li gorî derfetên ku di nav destan de hebûn, li bajarên Sûriyê yên wekî Şam, Heleb, Selamiye, Hums, Hama, Suweyda, Laziqiye û Quneytrayê bi berfirehî dest pê kir.”
Însiyatîfa Gel a ji bo azadiya Rêber Abdullah Ocalan a Bakur û Rojhilatê Sûriyê encamên kampaniyê wiha da eşkerekrin: “Tiştekî tekez e ku hemû netew, ol, mezheb, kom û beş , heta çi astê bi fikir û felsefeya Rêber Ocalan ve girêdayî ne, ev fikir û felsefe ji bo çareseriya hemû doz û pirsgirêkên heyî yê ku nehatine çareserkirin, di Rojhelata Navîn de û di nav de jî pirsgirêka Sûriyê, zemîna herî saxlem e. Lewma jî encamên komkirina îmzeyan wiha ne: Qamişlo: 625,343, Hesekê: 603,800, Minbic: 711,180, Reqa:701,845, Dêrezor: 337,708, Tepqa: 281,332, Firat: 134,570, Heleb: 103,857, Efrîn – Şahba: 51,212, Hundirê Sûriyê: Şam – Heleb – Laziqiye – Suweyda – Quneytera – Selamiye – Tertûs – Hama – Hums: 6,243 Koçberên Kurd li Lubnanê: 12,000, Hêzên Parastina Civakê: 100,000 û hejmara giştî ya îmzeyên kampanyayê jî 3,669,090. Em hezkirin û spasiyên xwe pêşkêşî gelê xwe yên bi netewe, ol û mezhebên xwe yên cuda dikin ji ber ku îmzeya xwe dan û pîrozbahiya bi heybet bi rojbûna Rêber Abdullah Ocalan kirin û bi vê wesîleyê berdewambûna kampanyayê heta azadiya Rêber Ocalan tekez kirin. ”
Herî dawî Însiyatîfa Gel wiha banga xwe anîn ser ziman: “ Ji ber ku em bi bawerin bi girîngiya rola encûmana Yekîtiya Ewropa û hemû sazî û dezgehên mafê mirovan ên navneteweyî di çareserkirina daza Rêber Apo û bidestxistina azadiya wî ya fîzîkî de, em kar dikin ku em ê komîteyekê ava bikin ku van encaman bigihîne Encûmana Yekîtiya Ewropayê û hemû rêxistin û saziyên mafên mirovan yên pêwendîdar yên navneteweyî. Li aliyekî din em daxwaz dikin ku ev rol bê aktîvkirin, îrade û daxwazên hemû gelên ku bi doza Rêber Apo bi bawer in berbiçav were ditin.