Hafiz Ahmet Turhalli
Bîr û bawerî di jiyana Mirovan de û di dîroka mirovahiyê de cîhekî girîng digre. Em karin bêjin dîroka xwenasîna mirovahiyê û ya bîr û baweriyê bi hev re hatiye berdewam kirin.
Zîhniyet û jiyana mirovan seranser di bin bandora, bîr û baweriyê de hatiye hûnandin.
Jiyan, bîr û bawerî bi hev ve wek laş û ruh girêdayiye. Jiyanek dijî bîr û baweriyê jiyanekî kême ne temame, baweriya dijî jiyanêjî ne baweriyekî rast û cîhdeye.
Ji ber Afirîner Xwedêye! Xwedê ji bo jiyanekî baş bi edalet û wekhev di nava mirovande cî bi cîh bibe, Pêxemperan erkdar dike û Olan dişîyne. Dema Ol dijî jiyana mirovan be, ev di rastiyêde dibe nakokiyek kûr.
Tevgera ku bi navê Ol were vegotin, divê jiyana mirovan pîroz bidêre û ji bo jiyanek bi rumet û aram têbikoşe.
Di Sureya Tîn de Xwedê weha dibêje: “Bê guman me mirov bi xweştirîn cureyî afirand. Piştre me ew daxist jêrê jêran”. (Tîn 4-5) Em dema desthelatên derdora xwe dişopînin ku ji xwer dibêjin em Misilmanin û tiştên ji biryar û kiryarên wan pêk tên, zêdetirî wan kiryaran dij mirovahiyê ne. Ev dijberiya Jiyan û mirovahiyê, di bin navê Olan de meşandin, di rastiya xwe de dijberiya Xweda û Pêxemberane.
Desthilatên ku îro li cîhanê kar dikin û bi navê Ola Îslamê desthilatê dimeşînin, seranser dijberiya jiyana Mirovan dikin. Ola kû ew teblîx û propagandaya wê dikin, dijî jiyana mirovan e. Mafê can, mal, rumet, bawerî, nesil û bîrdozî yekcarî di pergala wan de nayê xuya kirin. Wek mînak: Herî zêde Xwîna mirovan bê sedem, li Îran, Tirkiyê, Iraqê, Suriyê û Afganîstanê tê rijandin.
Mal, nesil, rumet û baweriya mirovan herî zêde di van welatan de, tê tune kirin.
Em dikarin bi hesanî bêjin; nirxên mirovahiyê di van welatan de têne tune kirin. Ev tune kirin jî, bi navê Ola Îslamê tê pêkanîn.
Ola kû, ji bo desthilatdaran, dizîyê, kuştinê, dest danîna ser milkê gel, faîzê, derewan, îftîrayan, madeyên hişbir, talan û tecawûza jinan û bê rawiştiyê rewa dibîne, gelo ev kîjan Ole? Ger ev kiryarên qirêj û kirêt di nava civakan de werin normalîze kirin, wê rewşa van civakan çawabe?
Ev rewş îro bi navê Ol, di nav civakan de hatiye bi cîh kirin. Bingeha wê jî, weha tê amede kirin. Jehra dijî jiyanê û Ola rast, bi çêkirin û pêşxistina Olekî sexte tê têkbirin. Wek em hemû temaşe dikin, dewleta Tirk ev bi dehan salan e bi navê Ola Îslamê Ola senteza Îslama Tirk, wek jehrekî di nava gelê me de belav dike. Neha jî Hîzbul qontra zarokên me kumukan dide serê wan, li Batman û Amedê de, di bin navê heskirina Nimêjê de, li qadan dide meşandin û pê sloganên Tirkî dide avêtin.
Divê em Ola rast ya Îslamê xwedî derkevin û dijî van mar û dupişkan hişyar tevbigerin.
Divê em nehêlin Îslama civakî, demokratîk û îlmî were têk birin û jehra neteweperestên Tirk, Ereb û Farisan di nava gelê meyê Misilman de were belav kirin.
Ev karên bidestên van xayinên Îslamê dikevin jiyanê de, divê were seknandin û pêşî lê were girtin. Li ser her Oldarekî Kurd ferze kû pêşî li van jehran bigre û nehêle gelê me, zarokên me werin jehrî kirin.