Jinên kurd ku heta roja îro çanda kurdî diparêzin îro jî bi modelên nû bejna xwe dixemilînin. Edlê Hisên a ku parastvana çanda kevnar a kurd e dibêje ku çandeke me ya kevnar a komunal heye.
Dayîka Edlê Hisên (63) dayîka 7 zarokan e. Edlê ya ku hemû zarokên wê jê cihê dijîn, bi tena xwe li malê dijî. Edlê a evîndara çanda kurdî bi rûkenî û bedewbûna xwe jiyanê tevahî dixemilîne.
Edlê, derbarê girîngiya parastina Çanda Kurd û kincên gelerî ku parçeyek ji wê çandê ne de wiha dibêje: “Ez jî wekî jinekê kurd bi kurdbûna xwe serbilind im. Divê ku çanda kurdî ya ku bi salan e hatiye pêşxistin neyê windakirin. Her netewek bi cil û bergên xwe yên neteweyî û bi zimanê xwe tên nasîn. Kurd jî bi zimanê kurdî yê dayîkê û kincên xwe yên neteweyî tên nasîn. Jinên kurd bi deng, reng û bedewbûna xwe rengê xwe didin derdora xwe.”Edlê got: “Dema ez bi kincên xwe yên neteweyî derdikevim, ez xwe serbilind hîs dikim. Rihê çanda xwe hîs dikim, di serdema berê de rihê komunaltiyê di gundewarên me de hebû. Kesên civakê bi hev re dibûn alîkar. Rihê jinên afrîner û pêşxistina çanda kurdî hebû.”Edlê, ya ku evîndara xwezayê ye jî got, “Ez pir bi xwezayê ve girêdayî me. Min darên tirî, hêjîr, hinar, zeytûn û hin cûreyên gulan di bexçêyê mala xwe de çandî ye. Her serê sibê ez av didim ji bo ku bijîn. Ji ber ku ew jî zindî ne û giyanê wan heye. Xweza rengekî xweş dide mala min. Her danê ber bi êvarê ve ez û cîranên xwe li bin siya daran rudinîn.”…Songul Şêxo /Tiltemir
Posta çûyî