Li gorî rêjeya Komîsyona Mafên Mirovan a li Iraqê, dinava 2 hefteyan de di xwepêşandanan de 13 kes hatine kuştin û 729 kes jî birîndar bûne.
Di 8’ê Tîrmeha 2018’an de li parêzgeha Besra ya Iraqê bi armanca siyaseta aborî û nebûna xizmetguzariyê ya Hikûmeta Iraqê xwepêşandan destpê kirin. Piştî wê çalakî belavî Necef, Zukkar, Mîsan, Hille, Dîwaniye, hinek bajar û taxên Bexdayê bû.
Li tevî hemû hewldanên hikûmet û rayedaran jî xwepêşandan berdewam dikin. Li gorî rêjeya Komîsyona Mafê Mirovan ya li Iraqê, di nava 2 hefteyan de di xwepêşandanan de 13 kes hatine kuştin û 729 kes jî birîndar bûne.
Li ser vê yekê Endamê Komîsyona Mafê Mirovan yê li Iraqê, Fazil Xerawî daxuyaniyekê nivîskî belav kir. Di daxuyaniyê de rêjeya kuştî û birîndarên xwepêşandanan ya 2 hefteyan hat eşkere kirin.
Li gorî daxuyaniya komîsyonê di nava 2 hefteyan de, di xwepêşandanên Iraqê de 13 kes hatin kuştin û 729 kes jî birîndar bûne. Ji vane 460 birîndar ji hêzên Iraqê ne. Herwiha hat gotin ku di xwepêşandanan de 757 kes jî hatine binçav kirin û gelek ji wan di 2 rojên dawî de hatine azad kirin.
Herî dawî komîsyonê di daxuyaniya xwe ya nivîskî de da zanîn ku di encama xwepêşandanan de 91 avahiyan zerer dîtine.
Her wiha Desteya Mafê Mirovan ya Iraqê 19’ê Tîrmehê ragihandibû ku di xwepêşandanan de 12 kes hatine kuştin, 571 kes jî birîndar bûne. Di daxuyaniyê de hatibû gotin ku ji birîndaran 195 kes sivîlin, yên din jî hêzên ewlekariyêne. Li gorî heman daxuyaniyê di xwepêşandanan de 47 avahî hatine şewitandin; ji van avahiyan 18 jê saziyên dewletêne, 22 avahiyên partiyane û 7 jî yê gel in…ROJNEWS
Di xwepêşandanên de 13 kuştî, 729 birîndar
