Li taxa Şêxmeqsûd ya Helebê xebatên xizmetî berdewam dikin. Navendeke tenduristiyê ku ji bo dermankirina birîndarên şer li taxa Şêxmeqsûd a Helebê hate vekirin, niha bû Nexweşxaneya Şehîd Xalid Fecer û ji bo dermankirinê xizmeta welatiyan dike. Di nexweşxaneyê de bi giştî 34 doktor û bi dehan xebatkar dixebitin.
Navenda tenduristiyê ya ji bo dermankirina birîndarên şer hate vekirin, bû nexweşxanyeke ku bi hezaran nexweşên Helebê derman dike.
Navendeke tenduristiyê ku ji bo dermankirina birîndarên şer li taxa Şêxmeqsûd a Helebê hate vekirin, niha bû Nexweşxaneya Şehîd Xalid Fecer ku bi hezaran nexweşên bajarê Helebê derman dike.
Di vê çarçoveyê de, ji ber pêwîstiyan rêveberiya nexweşxaneyê beşên nexweşxaneyê berfireh kirin, her wiha kadroyên wê jî zêde kirin. Di nexweşxaneyê de beşên ku hatin vekirin wiha ne: Çerm, guh, zarok, hestî, çav, nexweşiyên hundirîn, dil, jin, damar, radyolojî.
Di nexweşxaneyê de 4 jê dilxwaz 34 bijîşkên pispor, her wiha 82 berdestên bijîşkan û xebatkar dixebitin.
Li gorî rêveberên nexweşxaneyê, rojane 100 nexweş ji bilî nexweşên diranan û nexweşên jin, serdana nexweşxaneyê dikin. Rojane 50 xexweşên diran û nexweşên jin jî têne nexweşxaneyê.
Ji rêveberên Nexweşxaneya Şehîd Xalid Fecer, Welat Memo destnîşan kir ku tenê Heyva Sor a Kurd û hinek welatparêzên ji derve destekê didin wan.
Memo da zanîn ku ew amade ne cureyên hemû emeliyatan ji bilî hinek emeliyatan ew jî ji ber nebûna alavên tenduristî, bikin. Memo bi bîr xist ku li ber rewşên hinek nexweşan, wan 25 ode ji bo wan amade kirin û nexweş bi rojane dikarin li wir bimînin.
Ji aliyê din ve, nexweşxane rewşa aborî ya herêmê jî di ber çavan re derbas dike û li gorî derfetên xwe ji welatiyan re dibe alîkar.
Welat Memo di dawiya axaftina xwe de, anî ziman ku ew amade ne şev û roj xizmeta şêniyan bikin…ANHA