Farûk Sakik
Di bernameya min a di Stêrk Tv, Ewroj de nivîskar Fûat Kav mêvan bû. Mijar, Newroza Mazlûm Dogan bû. Fuat Kav, ew sal, ew roj, ew şev li wê zindanê bû. Bû şahidê çalakiya Mazûm Dogan ya fedaî.
Dewleta Tirk a dagirker ji damezirandina komarê ve dest bi dijminatiya kurdan kiribû. Di her serdemî de planeke wan a tunekirina Kurdan hebû.
Dema di sala 1978’an de PKK hat avakirin, ev konsepta wan a îmha û tunekirinê derbasî merheleyeke nû bû. Digotin; plana me ya salan ku êdî hêdî hêdî ber bi encamgirtinê ve diçû, tevgerek nû derket li pêşiya vê plana me û dibe asteng. Li dijî vê tevgerê êrişan dest pê kir û gelek pêşengên PKK’ê li zindana Amedê dîlgirtin.
Piştî demekê, darbeyek leşkerî. Li Amedê avakirina zindanek bi navê 5 Nolu. Anîna qontra û mazoşîstên wek Esat Oktay Yildirim. Ji bo tunekirina pêşengên PKK’ê ketin nav tevgerê.
Zindan di demeke kurt de veguherî dojehê. Li dijî vê hovîtiya ku di dîrokê de emsalê wê tune bû, hemû rêyên berxwedanê hatibûn ceribandin. Bi tenê rêyek mabû ew jî bi mirina xwe jiyaneke nû afirandin bû. Ev nîqaş dihatin kirin.
Fûat Kav got; Hovîtî derketibû asta herî jor. Ji bo dawî anîna vê yekê em li rê û rêbazeke berxwedanê digeriyan. Li ser peyva fedaî dihat axaftin. Mazlûm ku firsend didît ji me re digot, heger di demê wiha de fadaî tunebin êdî di tu demî de wê bandora xwe tune be.
Di demeke wiha de rojek Newrozê li zindana Amedê di hucreya 35’an de, sibehê kesê ku xwarin belav dikir, di hucreya Mazlûm Dogan de 3 darikên niftikê dît. Lê Mazlûm nedixwiya. Piştî demeke li pişt perdeya hucrê rastî çalakiya wî ya fedaî hatin.
Fûat Kav di nirxandina xwe de digot, tukesî ji me texmîn nekir. Dojehek wisa bû, Newroz nedihat bîra tu kesî. Lê dema ku me 3 darikên niftikan dît, Newroz hat bîra me. Cûdabûna Mazlûm jî ev bû. Tiştên ku nehatibû bîra me, wî xwe li gor wê rojê amade kiribû.
Mazlûm Dogan, bi çalakiya fedaî starta berxwedana zindana Amedê da destpêkirin. Berxwedana zindanê bi ser ket. Peyamek da PKK’ê û PKK kongreya xwe kom kir, biryara vegera welat da. Peyamek da gel. Got, ‘Newroz bi ruhê berxwedanê were pîrozkirin’. Gel her sal bi vê payamê dadikeve qadan.
Lê em dîsa derbasî destpêkê bibin. Planên dijmin yên dîrokî û berxwedana îro; Piştî ku Mazlûm Dogan ev rih afirad, hemû pêlên êrişên yê tunekirinê û îmhayê vala derdikevin.
Êdî li her beşên têkoşînê, kurd bi rihê Newroza Mazlûm Dogan ber bi azadiyê ve dimeşin.
Îroj li Rojava sîstema rêveberiya xweser Kurdistanek azad heye. Îroj ji bo hemû destketiyên Kurdan biparêzin gerîla û şervanên leheng hene. Ev şervan û gerîla hemû êrişên dijmin vala derdixin.
Mazlûm Dogan bi çalakiya xwe ya fedaî bersiv da hemû demên raborî û pêşerojê.
Ev çanda berxwedanê ku wek ‘Berxwedan Jiyan e’ tê pênase kirin, li her qadên jiyanê ji aliyê mirovahiyê ve esas tê girtin.
Bi rihê Newroza Mazlum, Newroz pîroz be.
