Platforma Çalakiyên Hevpar ên Tevger û Rêxistinên Jinan ên Bakur û Rojhilatê Sûriyeyê bi daxuyaniyekê dirûşme û bernameya çalakiyên 8`ê Adarê eşkere kir û got, ji bo qurbaniyên erdhejê îsal şahî nayên lidarxistin.
Navenda Nûçeyan
Platforma Çalakiyên Hevpar ên Tevger û Rêxistinên Jinan ên Bakur û Rojhilatê Sûriyeyê têkildarî Roja 8’ê Adarê li bajarên Qamişlo da xuyaniyek da.
Platformê di daxuyaniya xwe de diyar kir ku jina li hemberî koletî, zilim û dagirkeriyê rû bi rû ma ji hêla zihniyeta zayendperestî û sîstemên desthilat bi taybet jina ku zilim û koletiyê li ser xwe û civaka xwe napejirîne têne hedefgirtin û wiha got: “Ev sîstem baş dizane jina têghiştî ji dîroka xwe re û ya ku tekoşînê dike ji bo azadî û bidestxistina mafê xwe xeteriyeke mezin e li ser bercewendî û desthilatdariya wê ye, tiştên ku li Afxanistan, Îran, Tirkiyê û Sûriyeyê çêdibin ji qirkirina mafên jin û bikaranîna sûcên tundî, kuştinê û bi taybet li herêmên ku hatine dagirkirin ji hêla dewleta Tirk ve û armancgirtina pêşengên şoreşê, tekez eşkere dike.”
Platformê bang li hemû jinên cîhanê kir ku piştgiriya serhildana jin di Rojhilatê Kurdistan û Îranê bikin, yekgirtin û hevgirtina xwe xurtirbikin, xeta berxwedanê li hemberî plan û komployên ku li dijî jin û herêmê tên kirin derkevin.
Platforêmê da xuyakirin ku dem hatiye ku jin vê rojê veguherînin roja azadî û demokrasiyê û wiha got: “Wekî çawa jinan ev roja bi êş guherandin cejinê û hêvî piştî pêkanîna gelek çalakiyên cûr be cûr. Em meha Adarê bikin meha berxwedan û tekoşînê, ji bo hejandina desthilata imprtatoriyan û rakirina maskayên li ser rûyên wan, da ku her kes rastiya wan bibîne. Divê em vê sedsalê, bikin sedsala azadiya jin û demokratkirina civakan.”
Platforêmê wiha got: “Platforma Çalakiyan Hevpar ên Tevger û Rêxistinên Jin li Bakur û Rojhilatê Sûryeyê, hemleya 8`ê Adarê di bin dirûşmeya “JIN, JIYAN, AZADÎ, BER BI ŞOREŞ JINÊ VE” radighînin. Ji ber qurbaniyên ku di encama rûdana erdhejê li Bakurê Kurdistanê û Bakur û Rojhilatê Sûriyeyê, jiyana xwe ji dest dane. Hemû şahî û komên hunerî hatin sekinandin.”
Li gorî daxuyaniyê wê li hemû komîn, gund, bajar û saziyan wê bi vê boneyê semîner bê dayîn, herwiha wê dergehên bajarn bên ronîkirin, pankart bên daleqandin û di Roja 8’ê Adarê de wê li hemû kantonan de meşên gelêrî bên lidarxistin.
