Ahmed Aktaş
Li ser vê mijarê bi sedan gotin hatin kirin û nivisandin. Lê belê yê ku bi giranî ev mijar derxist pêş, gefxwarinên Erdogan bûn; “em şevekê ji nişka ve” derbasî Rojava dibin!
Bêgûman ev gotin û gefên wî ne bê bingeh bûn. Ji aliyekî ve Rûsya ew sor dikir, ji aliyê din ve Emerîka jî ew gij dikir.
Armanca hemûyan, gelê Kurdistanê bitirstîne û Tevgêra wê naçar bike, da ku bikişînin aliyê xwe. Jixwe, pêkanîna wan senaryoyên malxerab ên li Efrînê, Serêkaniyê û Grêsipî pêkanîn, encamên wan armancên wan ên bê wijdan û bê exlaq bûn.
Niha, dîsa dixwazin bi heman senaryoyan dewam bikin, li ser Rojavayê. Gûmanên gelek şîroveger û siyasetmedaran jî wisa ne.
Li ser vê mijarê, ji bo wan armancên xwe yên dijî mirovahiyê, li Rojava û Suriyeyêyî misoger bikin, her du dewlet jî, Erdogan mîna amûrekî pir kêrhatî dibînin û naxwazin vê maşeyê ji dest xwe berdin.
Hilbet Erdogan jî, vê derfetê ji derdê xwe re weke derman dibîne û ji mêjve xwe ji bo êrîşek wisa ya dagîrkeriyê amade dike!
Derdê wî, aşkereye; hilbijartinên Serokomariyê û Parlemenê ye. Li gor piraniya anket û pêşbîniyan, R.Erdogan di her du hilbijartinan de jî bi bindikeve.
Erê ji bo temenê desthilatiya xwe dirêj bike hinek rê û rêbaz; listok, fêlbazî û ev jî nebin, zora leşkerî jî dike.
Lê rêya “fermî” û karibe bêhtir raya giştî razî bike, lidarxisita şerekî mezin e. Bi vî awayî dikare salekê hilbijartinan bi paş ve bixe!
Di derbarê mijarê de, gotin û dîtinên balkêş ên fermandarê giştî yê QSD’ê jî hene. Hat diyarkirin ku dibe êrişek bejayî hebe û demê wê jî wek miha Sibatê hat teqmîn kirin.
Hilbet wateya 15’ê Sibatê roja reş a dîlgirtina Rêber APO ye. Di rojên wisa nasyar de, dewleta tirk gelek şahreza ye ji bo bi karanîna êrîşên gemar, qirêj û qirker.
Îca, wê vê êrîşê bike an neke, kes nikare sedîsed bêje erê an na? Lê bi tenê mirov dikare bi hêsanî bêje; bêyî destûra DYE û Rûsya êrîşek wisa nabe. Nexasim, heke DYE’yê, ji Erdogan re çira kesk pênexe, nikare bike.
Li pêvajoyê heyî ji gelê bakur û rojhilatê Suriyê û ji tevgêra wê re hişyarî, hostayî, sebir û heta dawî berxwedan tenê tê xwastin.
Hilbet ji şaşî û kêmasiyên kevn jî ders derxistin giring e û bi taybetî , divê vê carê, koçberî nebe!
Jixwe ji axaftinên fermandarê giştî yê QSD’ê Mezlûm Ebdî û rêveberên Xweseriya Demokratîk jî, tê dîtin ku ji serpêhatiyên berê, têra xwe ders hatine standin û xwe ji hemû gûman û xeteran re amade kirin e.
Her wiha, diyar dikin ku, êdî li hember hemû êrîşan, gel û tevgeran wê bi hev re, bi ruhê cenga gelîrî têbikoşin, cih û warên xwe bernedin, heta dawiyê wê berxwe bidin!