Navenda Nûçeyan
Tevî ku rêjîma Îranê li hemberî serhildana gel kuştin, girtin û işkencekirinê jî dike, xwepêşandanên gel yên li dijî rêjîmê bênavber dewam dikin û roj bi roj xurtir dibin.
Xwepêşandanên gel yên li dijî rêjîma Îranê bênavber dewam dikin, tevî ku rêjîm li hemberî xwepêşanderan kuştin, işkencekirin û biçavkirinê jî dike, lê asta xwepêşandanan kêîm nebûye û roj bi roj firehtir dibe.
Çalakî û serhildana gel ya li Rojhilatê Kurdistan û Îranê ku nêzî 5 mehane destpêkiriyê, bi hêz dewam dike. Yek ji bajarên ku bûye navenda xwepêşandanan jî, bajarê Zahîdan ê parêzgeha Sîstan û Beluçistan ê ye. ji bo pêşîgirtina li xwepêşûandanên gel rêjîma Îranê hejmarek mezin ji polîs û hêzên leşkerî şandin bajêr. Lê tevî hemû astengiyan jî, di 20’ê Çileyê de, gel ji bo çalakiyê derketin qadan. Welatiyên bajarê Zahîdan piştî nimêja înê dest bi çalakiyên xwe kirin û siloganên ’Ji dîktatorê re mirin’, ’Jin, Jiyan, Azadî’, ’Xamaneyê re mirin’, ’Diktator Hamaney welat biterîkîne, şerm bike’ bilind kirin. Herwiha li Rask ê girêdayî parêzgeha jî li dijî hikumetê pankart hate vekirin, her wiha ji bo çalakiyê piştgîriyê alimên olî jî bal kişand. Li çalakiyên bajarên Zahîdan û Rask hat xwestin ku welatiyên Beluçistanê yên hatine girtin werin berdan û cezayên îdamê were rakirin. Herwiha xwepêşanderan ragihand ku xwediyê rasteqîn ê van serhildanan gele û wê rê nedin ti kes û aliyek dest dane li ser.
Li gorî çavkaniyên herêmê heta niha di xwepêşandanên li Zahîdanê yên “Îna bixwîn” de herî kêm 100 kes hatine kuştin û gelek kes birîndar bûne. Herwiha 20’ê Çileyê li bajarê Galîk a parêzgeha Gulistan jî ku piraniya şêniyên wê Tirkmenên Sunne çalakî kirin û meşiyan. Di çalakiyê de li dijî desthilata dewleta Îranê dirûşme gotin.
