Navenda Nûçeyan
HPG’ê ragehand ku di enacama çalakiyên hêzên wan de dagirkerek hate cezakirin , çeperek û çekek bombeavêj hatin têkbirin. Herwiha HPG’ da zanîn ku artêşa Tirk a dagirker bi dehê caran çeperên berxwedanê bi çekên kîmyawî bombebaran kirin e.
Navenda Ragihandin û Çapemeniyê ya HPG’ê derbarê çalakiyên gerîlayên azadiyê yên li dijî artêşa dagirker a Tirk û êrîşên dagirkeriyê yên bi çekên kîmyawî daxuyaniyek da.
HPG’ê da xuyakirin ku di çarçoveya Pêngava Şoreşgerî ya Bazên Zagrosê de li herêma Zapê 20’ê Çileyê saet di 08:00 de li nehiya Şeladizê ya navçeya Amediyê, tîmên wan yên bi tevger bi çekên giran li dagirkerên nêzî gundê Sîdayê xistin. Di encama çalakiyê de çeperek tevî çeka bombeavêj hate îmhakirin
HPG’ê da zanîn ku di 20’ê Çileyê saet di 09:30, 11:00 û 16:20’î de li nehiya Şeladizê ya navçeya Amediyê, tîmên wan yên bi tevger 3 caran bi çekên giran li dagirkerên li derdora gundê Sîdayê xistin û wiha dewam kir: “Di 20’ê Çileyê saet di 16:20’î de li nehiya Şeladizê ya navçeya Amediyê, tîmên me yên bi tevger ên YJA Starê bi çekên giran li dagirkerên nêzî qada Çemçoyê xistin.”
HPG’ê da xuyakirin ku di çarçoveya Pêngava Şoreşgerî ya Şehîd Savaş Maraş a Cenga Xabûrê de , di 20’ê Çileyê saet di 09:30’î de tîmên wan yên bi tevger bi çekên giran li dagirkerên li Qada Berxwedanê ya Girê FM’ê xistin. Herwiha di 20’ê Çileyê saet di 21:00 de li Qada Berxwedanê ya Girê FM’ê, tîmên wan yên bi tevger ên YJA Starê bi sûîqestê li dagirkeran xistin. Di encamê de dagirkerek hate cezakirin.
HPG’ê derbarê Êrîşên artêşa Tirk a dagirker ên bi bombeyên qedexekirî û çekên kîmyewî wiha got: “Di 20’ê Çileyê li nehiya Şeladizê ya navçeya Amediyê, çeperên bexwedanê yên gerîla yên li nêzî gundê Sîda û qada Çemçoyê 19 caran bi çekên kîmyewî hatin bombekirin.Herwiha di 20’ê Çileyê saet di 13:00 û 14:30’î de li nehiya Şeladizê ya navçeya Amediyê çeperên berxwedanê yên gerîla yên li nêzî gundê Sîda û qada Çemçoyê 2 caran bi bombeyên qedexekirî hatin bomobekirin. Di 19 û 20’ê Çileyê Qada Berxwedanê ya Girê Cûdî, li Garê qadên Kanîsarkê, Deriyê Hirçê, Girê Zengil, Gundê Guzê û Deşta Kafya, li Xakurkê jî qada Berdesorê 13 caran bi balafirên şer hatin bombekirin, herwiha li nehiya Şeladizê ya navçeya Amediyê çeperên berxwedanê yên gerîlan bi dehan caran bi obus, tank û çekên giran hatin bombekirin.”
